"मुलांसह मध्यरात्री घराबाहेर काढलं" पत्नीच्या आरोपांवर नवाजुद्दीन सिद्दीकीचं प्रत्युत्तर; म्हणाला, "तिने मुंबईतील फ्लॅट..." | Nawazuddin Siddiqui clarification on stopping wife aaliya and kids from entering house

नवाजुद्दीन सिद्दीकीच्या पत्नीने दोन व्हिडीओ शेअर करत पतीने आपल्याला रात्री मुलांसह घराबाहेर काढल्याचा आरोप केला होता. या आरोपांवर अभिनेत्याने उत्तर दिलं आहे.

नवाजुद्दीन सिद्दीकी आणि त्याची पत्नी आलिया सिद्दीकी यांच्यात संपत्तीवरून वाद सुरू आहे. गेल्या काही दिवसांपासून दोघेही सातत्याने चर्चेत आहेत. नवाजुद्दीन सिद्दीकवर पत्नीने त्याचे अफेअर असल्याचे आरोप केले आहेत. त्याशिवाय मुलीसंदर्भातही अनेक गंभीर आरोप तिने पतीवर केले. त्यानंतर शुक्रवारी नवाजुद्दीन सिद्दीकीच्या पत्नीने दोन व्हिडीओ शेअर करत पतीने आपल्याला रात्री मुलांसह घराबाहेर काढल्याचा आरोप केला होता. या आरोपांवर नवाजुद्दीन सिद्दीकीने उत्तर दिलं आहे.

Video: “त्याने मला मुलांसह मध्यरात्री घराबाहेर काढलं”; नवाजुद्दीन सिद्दीकीच्या पत्नीचा आरोप, मुलीची रडून रडून झालीय अशी अवस्था

नवाजुद्दीन सिद्दीकीच्या प्रवक्त्याने आलियाने लावलेले सर्व आरोप फेटाळले आहेत. आलियाने जे काही बोलली ते खोटं असल्याचा दावा प्रवक्तत्याने केला आहे. नवाजुद्दीनने संपत्ती आधीच त्याची आई, मेहरुनिसा सिद्दीकी यांच्या नावावर केली आहे आणि त्यामुळे त्याच्याकडे निर्णय घेण्याची शक्ती नाही. त्याच्या आईच्या केअरटेकरने मुलांना घरात येण्याची परवानगी दिली आहे आणि फक्त आलियाला घराच्या आवारात प्रवेश करण्यास मनाई आहे. नवाजुद्दीनने आधीच आलियासाठी मुंबईत एक फ्लॅट घेतला होता, जो तिने सध्या भाड्याने दिला आहे, असंही प्रवक्त्याने सांगितलं.

This quiz is AI-generated and for edutainment purposes only.

https://www.instagram.com/p/CpULOBjDnm4/?utm_source=ig_web_copy_link

दरम्यान, आजारी आईला भेटायला गेलेल्या नवाजुद्दीन सिद्दीकीला भावाने गेटवर अडवल्याचा व्हिडीओ व्हायरल झाला होता. त्यानंतर आलिया सिद्दीकीने इन्स्टाग्रामवर व्हिडीओ शेअर केला. त्यात पतीने मुलांबरोबर रात्री बाहेर काढल्याचा दावा तिने केला होता. त्या व्हिडीओत त्यांची मुलगी शोरा हमसून हमसून रडताना दिसत होती.

First published on: 04-03-2023 at 08:05 IST

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Nawazuddin siddiqui clarification on stopping wife aaliya and kids from entering house hrc