scorecardresearch

Premium

‘फेमीनिजम’बद्दलच्या वादग्रस्त विधानावर नीना गुप्ता यांचं स्पष्टीकरण; म्हणाल्या, “मला दोष देण्यापेक्षा…”

आयुष्यात बऱ्याचदा स्त्रियांना पुरुषांची गरज पडते ही गोष्ट नीना यांनी त्यांच्या या मुलाखतीच्या माध्यमातून उत्तमरित्या स्पष्ट करून सांगितली

neena-gupta-viralstatement
फोटो : इंडियन एक्सप्रेस

बॉलिवूड अभिनेत्री नीना गुप्ता अभिनयाने प्रेक्षकांच्या मनात घर करून आहेत. गेली अनेक वर्ष त्या सातत्याने वेगवेगळ्या धाटणीचे चित्रपट करत आहेत. नीना गुप्ता या सोशल मीडियावरही चांगल्याच सक्रिय असतात. नुकत्याच नीना गुप्ता या त्यांच्या एका वक्तव्यामुळे चर्चेत आल्या. नीना यांनी फेमीनिजमविषयी केलेलं वक्तव्य चांगलंच व्हायरल झालं, याबरोबरच त्यांनी स्त्री-पुरुष समानता यावरही परखड भाष्य केलं होतं.

आणखी वाचा : ‘नायक २’बद्दल अनिल कपूर यांचं मोठं विधान; इंस्टाग्रामवर चाहत्याला उत्तर देताना केला सीक्वलबद्दल खुलासा

ajit pawar budget speech
अजित पवारांनी कुसुमाग्रजांच्या ‘या’ कवितेच्या ओळी म्हणताच सभागृहात हशा; म्हणाले, “विरोधकांनी प्रतिक्रियांचा पुनर्विचार करावा!”
satyashodhak kamaltai vichare, satyashodhak kamaltai vichare information in marathi,
स्त्रियांच्या विकासाचा ध्यास घेतलेल्या सत्यशोधक कमलताई विचारे
Samorchya bakavarun economics Budget NDA Government Budget discussions
समोरच्या बाकावरून: मनोरंजन करणारे अर्थमंत्र्यांचे दावे..
CAPF
केंद्रीय सशस्त्र पोलीस दलात महिलांनाही प्रोत्साहन, प्रसूती रजेसह ‘या’ सुविधाही मिळणार; केंद्रीय मंत्र्यांनी दिली माहिती

प्रसिद्ध यूट्यूबर रणवीर अलाहबादियाच्या पॉडकास्ट शोवर नीना गुप्ता यांनी हजेरी लावली होती. मुलाखतीदरम्यान नीना गुप्ता म्हणाल्या, “मला हे सांगावं असं वाटतंय की सध्याच्या फालतू फेमीनिजमकडे दुर्लक्ष करणं फार गरजेचं आहे, तसंच महिला या पुरुषांच्या समान आहेत याकडे दुर्लक्ष करायला हवं. आर्थिकदृष्ट्या सक्षम राहण्यापेक्षा अन् कामाकडे कायम लक्ष देण्यापेक्षा जर तुम्ही गृहिणी असाल तर त्याला कमी लेखू नका, ते सुद्धा फार महत्त्वाचं काम आहे, तुम्ही स्वतःला कमी लेखणं थांबवा, हाच संदेश मला लोकांना द्यायचा आहे.”

आता आपलं हे वक्तव्य मीडियाच्या माध्यमातून वेगळ्या पद्धतीने व्हायरल करण्यात आल्याचा दावा नीना गुप्ता यांनी केला आहे. इंडियन एक्सप्रेसशी संवाद साधतांना नीना गुप्ता यांनी त्यांच्या या वक्तव्यावर स्पष्टीकरण दिलं आहे. त्या म्हणाल्या, “त्यांनी त्या संपूर्ण मुलाखतीमधील तेवढा भाग फक्त काढला अन् त्याचं प्रमोशन केलं ज्यामुळे वाद निर्माण झाला आहे. त्यात मी म्हणाले होते की माझा या ‘फालतू फेमीनिजम’वर विश्वास नाहीये अन् ते ऐकून लोक आपापसांतच भांडू लागले. लोकांनी मला दोष देण्यापेक्षा माझी मुलाखत पूर्ण पहावी त्यात याचा संदर्भ मिळेल.”

आयुष्यात बऱ्याचदा स्त्रियांना पुरुषांची गरज पडते ही गोष्ट नीना यांनी त्यांच्या या मुलाखतीच्या माध्यमातून उत्तमरित्या स्पष्ट करून सांगितली. याबरोबरच इतरही बऱ्याच विषयांवर त्यांनी भाष्य केलं आहे. नीना गुप्ता नुकत्याच सोनी लीव्हच्या ‘चार्ली चोप्रा’ व नेटफ्लिक्सच्या ‘लस्ट स्टोरीज’ या सीरिजमध्ये झळकल्या होत्या. दोन्ही चित्रपटात नीना यांच्या कामाची खूप प्रशंसा झाली.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Neena gupta clarifies about her latest controversial fake feminism statement avn

First published on: 08-12-2023 at 14:39 IST

संबंधित बातम्या

तुम्ही या बातम्या वाचल्या आहेत का? ×