Rishi Kapoor Death Anniversary: ऋषी कपूर यांच्या आठवणीत नीतू कपूर भावनिक; पोस्ट शेअर करत म्हणाल्या, “प्रत्येक वेळी..”

हेही वाचा- Video : श्रीनगरमध्ये शाहरुख खानला चाहत्यांनी घेरलं; गर्दी बघून अभिनेत्याची झाली होती ‘अशी’ अवस्था

तीन वर्षांपूर्वी याच दिवशी ऋषी कपूर यांनी या जगाचा निरोप घेतला होता. ऋषी कपूर यांच्या निधनाने त्यांच्या कुटुंबासह चाहत्यांनाही मोठा धक्का बसला होता. आज ३० एप्रिल रोजी, ऋषी कपूर यांच्या तिसऱ्या स्मृतिदिनानिमित्त नीतू कपूर यांनी त्यांचा एक फोटो शेअर केला आहे. या फोटोला त्यांनी कॅप्शनही दिले आहे. , ‘प्रत्येक वेळी प्रत्येक चांगल्या आठवणीत तुझी आठवण येते.’ पोस्ट शेअर करताना नीतू कपूर खूपच भावनिक झाल्या होत्या.

ऋषी आणि नीतू कपूर यांची मुलगी रिद्धिमा कपूरने तिच्या वडिलांच्यास्मृतिदिनानिमित्त अनसिन फोटो शेअर केला आहे. या फोटोमध्ये फोटोमध्ये ऋषी कपूर आणि नीतू कपूर यांच्याबरोबर रणबीर कपूर, रिद्धिमा कपूर आणि तिची मुलगी समरा साहनीही दिसत आहेत.

बॉलिवूडचा रोमान्स किंग म्हणून ओळखले जाणारे ऋषी कपूर यांनी ५० वर्षांच्या फिल्मी करिअरमध्ये जवळपास १२१ चित्रपट केले होते. ते खूप आनंदी व्यक्ती होते, ते दीर्घकाळ कर्करोगाशी लढा देत होते. , ३० एप्रिल २०२० रोजी त्यांच्या निधनाच्या बातमीने सर्वांनाच धक्का बसला होता. लॉकडाऊनमुळे त्यांच्या अंत्यसंस्काराला फक्त २०-२५ लोकच उपस्थित होते. ‘शर्माजी नमकीन’ हा त्यांचा शेवटचा चित्रपट होता जो त्यांच्या मृत्यूनंतर प्रदर्शित झाला होता.