Video: काय चाललंय? उदित नारायण यांनी पुन्हा चाहतीच्या ओठांचं घेतलं चुंबन; नेटकरी म्हणाले, ‘सीरियल KISSER’

उदित नारायण यांचा महिला चाहत्यांना किस करतानाचा आणखी एक व्हिडीओ व्हायरल झाला आहे. हा व्हिडीओ पाहून नेटकरी त्यांना सिरियल किसर म्हणू लागले आहेत. महिला फक्त सेल्फी घेण्यासाठी आल्या होत्या, पण उदित नारायण त्यांना किस करतात, तेही ओठांवर असं हा व्हिडीओ शेअर करणाऱ्या एका युजरने म्हटलं आहे.

व्हायरल होत असलेल्या या व्हिडीओत दिसतंय की उदित नारायण मंचावर उभे आहेत आणि तिथे अनेक महिला त्यांच्याबरोबर सेल्फी काढायला गर्दी करतात. आधी उदित व्हिडीओत थंब दाखवतात आणि नंतर एका चाहतीला ओठांवर किस करतात. एका व्हिडीओची कॉन्ट्रोव्हर्सी संपली नसतानाच आता या व्हिडीओमुळे उदित पुन्हा एकदा टीकेचे धनी ठरले आहेत.

पाहा व्हिडीओ –

७९ वर्षीय उदित नारायण मागील काही दिवसांपासून सातत्याने ट्रोलर्सच्या निशाण्यावर आहेत. पहिला व्हिडीओ व्हायरल झाल्यानंतर प्रचंड टीका झाली होती, मग उदित नारायण यांनी स्पष्टीकरण दिलं होतं.

काय म्हणाले होते उदित नारायण?

“चाहते खूप वेडे असतात. आम्ही लोक असे नाही. मी सभ्य माणूस आहे. काही लोक या गोष्टी करतात आणि त्याद्वारे आपले प्रेम व्यक्त करतात. पण आता ही गोष्ट व्हायरल करून काय मिळणार? गर्दीत खूप लोक असतात, आमच्यासोबत बॉडीगार्डही असतात, पण चाहत्यांना वाटतं की त्यांना आम्हाला भेटण्याची संधी मिळतेय, म्हणून काही हात मिळवण्याचा प्रयत्न करतात, तर कोणी हाताचं चुंबन घेतं. हे सगळं त्यांचं प्रेम आहे. याकडे फार लक्ष देऊ नये” असं ते म्हणाले होते.

“मला बॉलीवूडमध्ये ४६ वर्षे झाली आहेत, माझी प्रतिमा अशी नाही (की मी चाहत्यांना जबरदस्तीने किस करतो). खरं तर, माझ्या चाहत्यांनी माझ्यावर केलेले प्रेम पाहून मी हात जोडतो, स्टेजवर असताना मी नतमस्तक होतो,” असं उदित स्पष्टीकरण देताना म्हणाले होते.