'मिस्टर अँड मिसेज माही'ची ओपनिंग दमदार पण दुसऱ्या दिवशी मंदावला वेग, केली 'इतकी' कमाई

Mr and Mrs Mahi Box Office Collection Day 2: राजकुमार राव-जान्हवी कपूरच्या 'मिस्टर अँड मिसेज माही'च्या कमाईत दुसऱ्या दिवशी मोठी घट

'मिस्टर अँड मिसेज माही' चित्रपटाने दोन दिवसांत किती कमावले? जाणून घ्या...

Mr and Mrs Mahi Box Office Collection Day 2: शरण शर्मा दिग्दर्शित ‘मिस्टर अँड मिसेज माही’ चित्रपटाची सध्या बॉक्स ऑफिसवर चर्चा सुरू आहे. ३१ मेला प्रदर्शित झालेल्या या चित्रपटात अभिनेता राजकुमार राव व अभिनेत्री जान्हवी कपूर प्रमुख भूमिकेत झळकले आहेत. दोघांच्या या चित्रपटाला प्रेक्षकांचा व समीक्षकांचा समिश्र प्रतिसाद मिळताना दिसत आहे. बॉक्स ऑफिसवर देखील असंच काहीस चित्र पाहायला मिळत आहे. ‘मिस्टर अँड मिसेज माही’ चित्रपटाने पहिल्या दिवशी दमदार कमाई केली पण दुसऱ्या दिवशी वेग मंदावला.

३१ मेला ‘सिनेमा लवर्स डे’ साजरा करण्यात आला होता. ९९ रुपये तिकटात कोणताही चित्रपट पाहण्याची ऑफर होती. याचाच फायदा राजकुमार राव व जान्हवीच्या ‘मिस्टर अँड मिसेज माही’ चित्रपटाला झाला. बॉक्स ऑफिसवरील या चित्रपटाची सुरुवात दमदार झाली. पहिल्याच दिवशी ६.८५ कोटींचा व्यवसाय या चित्रपटाने केला. पण दुसऱ्या दिवशी शनिवार कमाईत मोठी घट पाहायला मिळाली. सॅकनिल्कच्या अहवालानुसार, ‘मिस्टर अँड मिसेज माही’ चित्रपटाने शनिवारी ४.५० कोटींची कमाई केली. ही कमाई पहिल्या दिवसाच्या कमाईपेक्षा खूप कमी आहे. या चित्रपटाने दोन दिवसांत एकूण ११.२५ कोटींचा व्यवसाय केला आहे. पण राजकुमार रावच्या ‘श्रीकांत’च्या तुलनेत ‘मिस्टर अँड मिसेज माही’ चित्रपटाने दुसऱ्या दिवशी अधिक कमाई केली आहे.

हेही वाचा – “प्रत्येक जन्मी तुझ्याच पोटी जन्म मिळू दे…”, ‘महाराष्ट्राची हास्यजत्रा’ फेम प्रसाद खांडेकरची आईसाठी खास पोस्ट, म्हणाला…

View this post on Instagram

A post shared by Janhvi Kapoor (@janhvikapoor)

राजकुमार रावच्या ‘मिस्टर अँड मिसेज माही’ चित्रपटाने पहिल्या दिवसापेक्षा दुसऱ्या दिवशी कमी कमाई केली असली तरी ‘श्रीकांत’ चित्रपटापेक्षा अधिक व्यवसाय केला आहे. १० मेला प्रदर्शित झालेल्या ‘श्रीकांत’ चित्रपटाने प्रदर्शनानंतरच्या पहिल्या शनिवारी ४.२ कोटींचा गल्ला जमवला होता. तर ‘मिस्टर अँड मिसेज माही’ चित्रपट ४.५० कोटींची कमाई केली आहे.

हेही वाचा – Video: घोडबंदरच्या वाहतूक कोंडीत अडकल्या ‘महाराष्ट्राची हास्यजत्रा’ फेम अभिनेत्री; कसं करतायत स्वतःचं मनोरंजन? पाहा व्हिडीओ

This quiz is AI-generated and for edutainment purposes only.

दरम्यान, करण जोहरच्या धर्मा प्रोडक्शन्स आणि जी स्टूडियोजची निर्मिती ‘मिस्टर अँड मिसेज माही’ चित्रपट आहे. शरण शर्मा दिग्दर्शित या चित्रपटात प्रेमकहाणी पाहायला मिळते. राजकुमार राव व जान्हवी कपूर क्रिकेट प्रेमी दाखवण्यात आले असून दोघांनी पती-पत्नीची भूमिका निभावली आहे. राजकुमार राव व जान्हवी कपूर दुसऱ्यांदा एकत्र झळकले आहेत. यापूर्वी ‘रूही’ चित्रपटात दोघं पाहायला मिळाले होते. राजकुमार राव व जान्हवीचा हा चित्रपट फ्लॉप झाला होता, पण दोघांची केमिस्ट्री हिट झाली होती.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rajkumar rao and janhvi kapoor starr mr and mrs mahi box office collection day 2 pps

‘मिस्टर अँड मिसेज माही’ची ओपनिंग दमदार पण दुसऱ्या दिवशी मंदावला वेग, केली ‘इतकी’ कमाई

Mr and Mrs Mahi Box Office Collection Day 2: राजकुमार राव-जान्हवी कपूरच्या 'मिस्टर अँड मिसेज माही'च्या कमाईत दुसऱ्या दिवशी मोठी घट