Video: आदिल खानच्या अटकेनंतर पहिल्यांदाच कोर्टात पोहोचली राखी सावंत, म्हणाली “त्याला जामीन…”

आदिलला न्यायलयीन कोठडी सुनावल्यानंतर आज राखीने कोर्टात हजेरी लावली. यावेळी राखीने पापाराझींना प्रतिक्रिया दिली आहे. ‘विरल भय्यानी’ या इन्स्टाग्राम पेजवरुन राखीचा नवीन व्हिडीओ शेअर करण्यात आला आहे. या व्हिडीओत राखीने तिची प्रतिक्रिया दिली आहे. “आदिलला जामीन मिळू नये म्हणून मी आज कोर्टात आले आहे. आदिलने मला फसवलं आहे. त्याने माझ्यावर अत्याचार केले आहेत. मी सगळे पुरावे कोर्टाला दिले आहेत. आदिलला जामीन मंजूर होऊ नये, असं मी न्यायाधिशांना सांगणार आहे. त्यासाठीच मी कोर्टात आले आहे”, असं राखी म्हणाली आहे.

हेही वाचा>> किरण मानेंना लॉटरी लागली! महेश मांजरेकरांबरोबर करत आहेत शूटिंग; सेटवरील फोटो शेअर करत म्हणाले…

राखीने आदिलवर केलेल्या दीड कोटींच्या फसवणुकीच्या आरोपाबाबतही भाष्य केलं. ती म्हणाली, “मी बँक स्टेटमेंटसह सगळे पुरावे दिले आहेत. त्याने जबरदस्ती माझ्या फोनमधून ओटीपी घेऊन व्यवहार केले आहेत. त्याने मला फसवलं आहे”.

हेही वाचा>> Video: “बीएमडब्ल्यू, मर्सिडीज बेन्झ…” आदिलने वाचला राखी सावंतकडे असलेल्या गाड्यांचा पाढा, जुना व्हिडीओ व्हायरल

राखीने आदिलवर अनेक गंभीर आरोप केले आहेत. फसवणुकीबरोबरच आदिलने मारहाण केली अल्याचंही राखीने म्हटलं आहे. राखीने आदिलच्या अफेअरबाबत खुलासा केल्यानंतर त्याच्या गर्लफ्रेंडचं नावही कॅमेऱ्यासमोर जाहीर केलं होतं.त्यानंतर आदिल व त्याच्या गर्लफ्रेंडचा फोटोही सोशल मीडियावर व्हायरल झाला होता.