शाहरुख खानच्या ‘जवान’चित्रपटाच्या प्रदर्शनाची तारीख बदलली? आता ‘या’ महिन्यात येणार प्रेक्षकांच्या भेटीला

‘जवान’ हा चित्रपट शाहरुख खानचा या वर्षातील दुसरा बिग बजेट चित्रपट आहे. साऊथचे प्रसिद्ध दिग्दर्शक एटली या चित्रपटाचं दिग्दर्शन करत आहेत. या चित्रपटाचं एक पोस्टर शेअर करत हा चित्रपट २०२३च्या जून महिन्यात प्रदर्शित होणार अशी अधिकृत घोषणा करण्यात आली होती. पण आता या चित्रपटाच्या प्रदर्शनाची तारीख पुढे ढकलण्याचा निर्णय या चित्रपटाच्या निर्मात्यांनी घेतला असल्याचं म्हटलं जात आहे.

आणखी वाचा : भव्य खोल्या, प्रायव्हेट मूव्ही थिएटर आणि…; ‘इतक्या’ कोटींचा आहे शाहरुख खानचा आलिशान मन्नत बंगला

चित्रपट विश्लेषक रमेश बाला यांनी ट्वीट करत ‘जवान’च्या प्रदर्शनाची तारीख पुढे ढकलण्यात आल्याचं सांगितलं आहे. “एटली दिग्दर्शित शाहरुख खानचा ‘जवान’ हा चित्रपट आता जूनमध्ये रिलीज होणार होता. पण आता हा चित्रपट ऑक्टोबर २०२३मध्ये रिलीज होणार आहे,” असं त्यांनी ट्वीटमध्ये लिहीलं. पण अद्याप या वृत्ताला शाहरुख खान किंवा एटलीने कोणताही दुजोरा दिलेला नाही.

हेही वाचा : शाहरुख खानच्या ‘जवान’ने रचला नवा विक्रम, प्रदर्शनाआधीच चित्रपटाने कमावले ‘इतके’ कोटी

शाहरुख खानबरोबरच या चित्रपटात दाक्षिणात्य अभिनेत्री नयनतारा आणि अभिनेता विजय सेतुपतीदेखील महत्वपूर्ण भूमिकेत दिसणार आहे. त्यामुळे खरोखरच हा चित्रपट जूनच्याऐवजी ऑक्टोबरमध्ये प्रदर्शित होणार का हे या चित्रपटाची टीम लवकरच स्पष्ट करेल.