Sky Force Box Office Collection Day 4 : ‘स्काय फोर्स’ हा चित्रपट प्रदर्शित होऊन एक आठवडा झाला आहे. सध्या शुक्रवारी (२४ जानेवारीला) प्रदर्शित झालेल्या या देशभक्तीपर चित्रपटाची जोरदार चर्चा आहे. अभिनेता अक्षय कुमार व वीर पहारियाच्या या चित्रपटाने चांगली ओपनिंग केली, त्यानंतर वीकेंडला याच्या कमाईत मोठी वाढ झाली. या चित्रपटाने एका आठवड्यात किती कमाई केली? ते जाणून घेऊयात.
वीर पहारियाने ‘स्काय फोर्स’ मधून बॉलीवूड पदार्पण केलं आहे. वीर हा महाराष्ट्राचे माजी मुख्यमंत्री सुशीलकुमार शिंदे यांचा नातू आहे. कन्या स्मृती पहारिया व संजय पहारिया यांचा मुलगा आहे. वीर जान्हवी कपूरचा बॉयफ्रेंड शिखर पहारियाचा भाऊ आहे. ‘स्काय फोर्स’ हा चित्रपट १९६५ च्या भारत-पाकिस्तान युद्धात पाकिस्तानच्या सरगोधा एअरबेसवर भारताने केलेल्या प्रत्युत्तराच्या हल्ल्याची कथा आहे. चित्रपटात वीर पहारियाने टी विजय हे पात्र साकारले आहे. त्याची भूमिका रिअल लाइफ हिरो अज्जमदा बोप्पय्या देवय्या यांच्यापासून प्रेरित आहे. अक्षयने विंग कमांडर केओ अजुहा (रिअल लाइफ हिरो ओ.पी. तनेजा यांच्याकडून प्रेरित) ही भूमिका केली आहे.
‘स्काय फोर्स’ चे एका आठवड्याचे कलेक्शन
‘स्काय फोर्स’ची बॉक्स ऑफिसवर चांगली सुरुवात झाली. चित्रपटाने रिलीजच्या पहिल्या दिवशी म्हणजेच शुक्रवारी १५.३० कोटी रुपये कमावले. दुसऱ्या दिवशी चित्रपटाच्या कलेक्शनमध्ये मोठी वाढ झाली. चित्रपटाने शनिवारी २६.३० कोटी रुपये कमावले. तिसऱ्या दिवशी म्हणजेच रविवारी २६ जानेवारीला सुट्टी होती, त्यादिवशी आधीच्या दोन्ही दिवसांपेक्षा चित्रपटाचे कलेक्शन जास्त राहिले. रविवारी चित्रपटाने ३१.६० कोटी रुपयांचा गल्ला जमवला. चौथ्या दिवशी सिनेमाच्या कमाईत घसरण झाली आहे. चित्रपटाने पहिल्या सोमवारी ८.१० कोटी रुपयांचे कलेक्शन केले. चित्रपटाने पाचव्या दिवशी ५.७५ कोटी, सहाव्या दिवशी ६ कोटी आणि सातव्या दिवशी ५.५० कोटी रुपयांची कमाई केली. या चित्रपटाने एका आठवड्यात ९८.५५ कोटी रुपयांचे कलेक्शन केले आहे. चित्रपट १०० कोटींचा टप्पा गाठण्यापासून थोडा दूर आहे.
‘स्काय फोर्स’चे बजेट तब्बल १६० कोटी रुपये आहे. ‘स्काय फोर्स’ अक्षय कुमार व वीर पहारिया यांनी महत्त्वाच्या भूमिका साकारल्या आहेत. तसेच सारा अली खान, निम्रत कौर, बोगुमिला बुबैकदेखील या चित्रपटात आहे.
