दिवंगत श्रीदेवींचा आज ६० वा वाढदिवस, गुगलने बनवलेलं खास डूडल पाहिलंत का? जाणून घ्या ‘चांदनी’बद्दल काही गोष्टी!

दिवंगत श्रीदेवींच्या वाढदिवसानिमित्त गुगलच्या सर्च इंजिनवर श्रीदेवींच्या फोटोंचे डूडल करण्यात आले आहे. फोटोमध्ये त्या डान्स पोजमध्ये दिसत आहेत. त्यांच्या आजूबाजूला इतर सिनेमांची झलक पाहायला मिळते. यासोबतच त्यांच्या ‘नागिन’ या सुपरहिट चित्रपटातील पोजही पाहायला मिळत आहेत.

श्रीदेवी यांचे पूर्ण नाव श्री अम्मा यंगर अय्यपन होते. त्यांचा जन्म १३ ऑगस्ट १९६३ रोजी तामिळनाडूमधील मीनमपट्टी या छोट्याशा गावात झाला होता. वयाच्या अवघ्या चौथ्या वर्षी त्यांनी ‘कंधन करुणाई’ या तमिळ चित्रपटातून बालकलाकार म्हणून चित्रपटांमध्ये काम करण्यास सुरुवात केली. त्यांनी वयाच्या नवव्या वर्षी ‘रानी मेरा नाम’ मधून बालकलाकार म्हणून बॉलिवूडमध्ये पदार्पण केले. आपल्या मेहनतीमुळे त्यांनी हळूहळू चित्रपटसृष्टीत स्वत:ची ओळख निर्माण केली. वयाच्या १९ व्या वर्षी त्यांनी अमोल पालेकर यांच्याबरोबर ‘सोलहवा सावन’मधून अभिनेत्री म्हणून बॉलिवूडमध्ये पदार्पण केले.

अक्षय कुमारवर थुंकणाऱ्याला १० लाख रुपयांचे बक्षीस, राष्ट्रीय हिंदू परिषदेची घोषणा; नेमकं प्रकरण काय?

जितेंद्र यांच्याबरोबरचा ‘हिम्मतवाला’ हा त्याच्या कारकिर्दीतील सर्वोत्तम चित्रपटांपैकी एक आहे. या चित्रपटाने बॉक्स ऑफिसवर चांगली कमाई केली होती. त्यांनी जितेंद्रबरोबर १६ चित्रपटांमध्ये काम केले होते. त्याच्या ‘सदमा’ या चित्रपटाची खूप चर्चा झाली होती. या चित्रपटासाठी त्यांचं कौतुक झालं आणि त्यांना फिल्मफेअरचा सर्वोत्कृष्ट अभिनेत्रीचा पुरस्कार मिळाला होता.

‘गदर २’ की ‘ओएमजी २’, कोणत्या चित्रपटाने मारली बॉक्स ऑफिसवर बाजी? वाचा दुसऱ्या दिवसाच्या कमाईचे आकडे

एकापेक्षा एक सरस चित्रपटांमध्ये काम करून आपल्या अभिनयाचा ठसा उमटवणाऱ्या श्रीदेवी यांनी १५ वर्षांच्या प्रदीर्घ कालावधीनंतर २०१३ साली ‘इंग्लिश विंग्लिश’ चित्रपटाद्वारे पुनरागमन केले होते. यानंतर त्या २०१८ मध्ये ‘मॉम’ चित्रपटात दिसल्या. २४ फेब्रुवारी २०१८ रोजी दुबईमध्ये त्यांचे दुःखद निधन झाले. पती बोनी कपूर यांना त्या हॉटेलच्या खोलीतील बाथटबमध्ये मृतावस्थेत आढळल्या होत्या. त्यांचा मृत्यू हृदयविकाराच्या झटक्याने झाल्याची नोंद माहिती समोर आली होती.