‘द केरला स्टोरी’ फेम अदा शर्माला येते ‘ही’ मराठी शिवी, खुलासा करत म्हणाली, “मी आतापर्यंत…”

अदा शर्माला उत्तम मराठी बोलता येतं. तिने तिच्या इन्स्टाग्राम अकाउंटवर मराठी कविता म्हणतानाचे काही व्हिडीओही शेअर केले होते. तिचे हे व्हिडीओ नेटकऱ्यांना चांगलेच आवडले. याचबरोबर तिचे अनेक मराठी मित्र मैत्रिणीही आहेत. इतकंच नाही तर तिला मराठी शिव्याही कळतात.

आणखी वाचा : “महाराष्ट्रात जन्मलात, वाढलात तर मराठी…,” ‘द केरला स्टोरी’फेम अदा शर्माचं भाषेबद्दलचं वक्तव्य चर्चेत

‘लोकमत’ला दिलेल्या मुलाखतीत ती म्हणाली, “मी शिवी देत नाही. पण मला मराठीतील एक शिवी माहित आहे आणि ती म्हणजे बावळट. मी आतापर्यंत हा शब्द कधी कोणाला उल्लेखून वापरलेला नाही. पण तो माझ्या शब्दसंग्रहात आहे. त्यामुळे मी तो लक्षात ठेवेन आणि माझ्या आयुष्यात अनेक बावळट आहेत त्यांच्याशी मी ही मुलाखत झाल्यावर नक्कीच बोलेन.” अदा शर्माचं हे बोलणं आता चांगला चर्चेत आलं आहे.

हेही वाचा : ‘द केरला स्टोरी’ फेम अदा शर्मा आहे ‘या’ मराठी पदार्थाच्या प्रेमात, खुलासा करत म्हणाली…

दरम्यान, तिच्या ‘द केरला स्टोरी’ या चित्रपटाने चांगली कामगिरी केली. या चित्रपटाचे प्रेक्षकांनी भरभरून कौतुक केलं. तर या चित्रपटाने चांगली कमाई ही केली. त्यानंतर आता अदा कोणत्या चित्रपटात दिसणार याकडे तिच्या चाहत्यांचे लक्ष लागलं आहे.