“मला झोपडपट्टीत…”, प्रसिद्ध अभिनेत्रीने सांगितला शूटिंगचा अनुभव; म्हणाली, “गटाराच्या जवळ…”

सध्या दिव्या आणि नील दोघेही सोशल मीडियावर खूप सक्रिय आहेत आणि त्यांच्या चित्रपटाचे प्रमोशन करण्यासाठी सर्वतोपरी प्रयत्न करत आहेत. अलीकडेच अर्चना पूरण सिंह, परमित सेठी आणि त्यांचा मुलगा आयुष्मान सेठी यांनी चित्रपटाच्या कलाकारांना आणि दिग्दर्शकांना भेटण्यासाठी टी-सीरिजच्या कार्यालयात भेट दिली.

अर्चना पूरण सिंह आणि परमित सेठी यांनी ‘डब्बे में क्या है?’ नावाची एक यूट्यूब सीरिज सुरू केली आहे. या सीरिजमध्ये ते सेलिब्रिटींच्या घरी जातात आणि एकत्र जेवतात. संभाषणादरम्यान अभिनेत्री दिव्याने या चित्रपटासाठी केलेल्या तिच्या मेहनतीबद्दल मोकळेपणाने सांगितले. या चित्रपटात दिव्याने एका अतिशय साध्या मुलीची भूमिका साकारली आहे. अभिनेत्रीने चित्रपटादरम्यान तिला कोणत्या प्रकारच्या संघर्षांना तोंड द्यावे लागले ते सांगितले.

झोपडपट्टीत राहण्यास भाग पाडले : दिव्या खोसला

ती म्हणाली, “मला यूपी भाषा येत नव्हती, पण मी ती शिकले आणि घरीच त्याचा सराव केला. नंतर आमच्या दिग्दर्शकाने मला जवळजवळ एक महिना झोपडपट्टीत राहण्यास भाग पाडले.” ती पुढे म्हणाली की, तिची झोपडी जवळजवळ नाल्याच्या काठावर होती. दिव्या म्हणाली की तिथे राहताना मला त्या वासाची सवय झाली.

कधी प्रदर्शित होणार?

दुसऱ्या घटनेची आठवण करून देताना दिव्या खोसला म्हणाली, “अरे देवा! ते एक उघडे गटार होते, मी गटाराच्या जवळ उभी होते. मी त्यात पडणारच होते. मला खूप भीती वाटली. त्यांनी मला झाडू मारायला, पुसायला लावले.” या संभाषणादरम्यान नीलने तिची खिल्लीही उडवली. तो म्हणाला, ” गटार पूर्णपणे ताजे होते आणि ते ताज्या कचऱ्याने भरलेले होते.” हा चित्रपट १२ सप्टेंबर रोजी चित्रपटगृहांमध्ये प्रदर्शित होणार आहे.