“लोकांना आवडतं म्हणून ते…”, लावणी कार्यक्रमातील चाहत्यांच्या गर्दीवरुन गौतमी पाटील स्पष्टच बोलली

गौतमीने नुकतंच साम टीव्ही वृत्तवाहिनीला मुलाखत दिली. या मुलाखतीत गौतमीने कार्यक्रमाबाबतची तिची भूमिका स्पष्ट केली आहे. गौतमी म्हणाली, “पूर्वी माझ्याकडून चूक झाली, हे मी मान्य करते. पण तेव्हापासून माझा पदर नीट असतो, मी केस मोकळे सोडत नाही. मी काहीही अश्लील डान्स करत नाही. त्यामुळे आता माझ्या कार्यक्रमांबद्दल आक्षेप घेण्याचं काहीच कारण नाही”.

हेही वाचा>> “माझा लावणीचा कार्यक्रम नसून डीजे…”, गौतमी पाटीलने दिलं स्पष्टीकरण

हेही वाचा>> ‘धर्मवीर २’ लवकरच प्रेक्षकांच्या भेटीला; चित्रपट निर्मात्यांची घोषणा

“लोकांना आवडतं म्हणून ते माझ्या कार्यक्रमाला येतात. महिलाही माझे कार्यक्रम बघण्यासाठी येतात. माझ्याबरोबर त्या ठेका धरतात, हे पाहून मला आनंद होतो”, असंही पुढे गौतमी म्हणाली. गौतमी नवीन वर्षात एक नवीन गाणं घेऊन प्रेक्षकांच्या भेटीला येत आहे. नववर्षाच्या सुरुवातीलाच तिचं लावणीचं हे गाणं प्रदर्शित होणार आहे.

हेही वाचा>>“प्लीज तुनिषाला वाचवा” असं म्हणत रुग्णालयात शीझान खान रडत होता, डॉक्टरांचा खुलासा

लावणीच्या नावावर अश्लीलतेचे प्रदर्शन करत असल्याच्या वादावरुन गौतमी पाटील चर्चेत आहे. तिचे लावणी कार्यक्रमातील अनेक डान्स व्हिडीओ सोशल मीडियावर व्हायरल होत असतात. विभत्स हावभाव व भर कार्यक्रमात अंगावर पाणी ओतून लावणी डान्स करतानाचा तिचा व्हिडीओही प्रचंड व्हायरल झाला होता.