दिवंगत अभिनेत्री श्रीदेवी यांची मुलगी व अभिनेत्री जान्हवी कपूरने मुंबईत नवीन घर विकत घेतलं आहे. ‘स्क्वेअर फिट इंडिया’ने दिलेल्या माहितीनुसार, जुहूमधल्या इमारतीत हे नवीन घर तीन मजल्यांवर पसरलेले आहे. गेल्या वर्षी ७ डिसेंबर रोजी जान्हवीने हा करार केला.

या बातमीसह सर्व प्रीमियम कंटेंट वाचण्यासाठी साइन-इन करा

३,४५६ स्क्वेअर फूटमध्ये पसरलेलं हे घर जान्हवीने तब्बल ३९ कोटींना विकत घेतल्याचं समजतंय. तसंच स्टँप ड्युटीसाठी तिने ७८ लाख रुपये भरले आहेत. २०१८ मध्ये ‘धडक’ या चित्रपटातून जान्हवीने बॉलिवूडमध्ये पदार्पण केलं. त्यानंतर तिचा ‘गुंजन सक्सेना : द कारगिल गर्ल’ हा चित्रपट नेटफ्लिक्स या ओटीटी प्लॅटफॉर्मवर प्रदर्शित झाला. झोया अख्तर दिग्दर्शित ‘घोस्ट स्टोरीज’मध्येही ती झळकली. सध्या तिच्या हातात ‘दोस्ताना २’ आणि ‘रुही अफ्जाना’ ही दोन चित्रपटं आहेत. जान्हवी सध्या वडील बोनी कपूर आणि बहीण खुशी कपूर यांच्यासोबत लोखंडवाला या ठिकाणी राहते.

आणखी वाचा- आली समीप लग्नघटिका.. अभिज्ञा भावेच्या हातावर रंगली मेहंदी

जान्हवीच्या आधी आलिया भट्ट आणि हृतिक रोशननेही मुंबईत नवीन घर विकत घेतलं. आलियाने रणबीर कपूर राहत असलेल्या इमारतीतंच घर विकत घेतलं. तर हृतिकने जुहूमधल्या पेंटहाऊससाठी तब्बल १०० कोटी रुपये खर्च केल्याचं कळतंय.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Janhvi kapoor buys new house in juhu worth rs 39 crore spread across three floors ssv
First published on: 05-01-2021 at 09:56 IST