Dhaakad Trailer : “जिस्म से रूह अलग करना बिझनेस है मेरा” बहुचर्चित ‘धाकड’ चित्रपटाचा ट्रेलर प्रदर्शित

‘धाकड’ चित्रपटाचा ट्रेलर प्रदर्शित झाल्यानंतर लगेचच सोशल मीडियावर चर्चेत आला आहे. या चित्रपटामध्ये कंगना रणौत ‘एजंट अग्नी’ची भूमिका साकारत आहे. जी एक प्रशिक्षित आणि आपल्या कामात अतिशय चोख असणारी एजंट आहे. ट्रेलरमध्ये कंगनाचा धाकड अवतार पाहायला मिळत आहे. तिचे या चित्रपटात बरेच अॅक्शन सीन आहेत. या चित्रपटासाठी कंगनानं ३ महिन्यांचं विशेष प्रशिक्षण घेतलं होतं.

या चित्रपटात अर्जुन रामपाल खलनायकाच्या भूमिकेत असून तो एक आंतरराष्ट्रीय ह्यूमन आणि आर्म ट्राफिकर आहे. १० वर्षांपासून रडारवर असलेल्या रुद्रवीरशी कंगना दोन हात करताना दिसणार आहे. कंगना रणौत आणि अर्जुन रामपाल यांच्यासोबतच या चित्रपटात दिव्या दत्ताचीही महत्त्वपूर्ण भूमिका आहे. कंगना रणौतचा हा चित्रपट येत्या २० मे ला चित्रपटगृहात प्रदर्शित होणार आहे. या चित्रपटाकडून कंगनाला बऱ्याच अपेक्षा आहेत.