करण सिंग ग्रोवरला ‘कबूल है’ मधून बाहेरचा रस्ता!

मालिकांमधील मुख्य कलाकारांनी मधूनच मालिका सोडणे हे आता काही नवीन नाही.

मालिकांमधील मुख्य कलाकारांनी मधूनच मालिका सोडणे हे काही आता नवीन नाही. पण, ‘कबूल है’ या झी वाहिनीवरील मालिकेतील मुख्य भूमिकेत असलेल्या करण सिंग ग्रोवरला निर्मात्यांनी बाहेरचा रस्ता दाखविला आहे.
३१ वर्षीय करण सिंग ग्रोवर हा संबंधित मालिकेविषयी असलेली बांधिलकी पूर्णपणे निभवत नसल्याने हा निर्णय घेण्यात आला आहे. ‘दिल मिल गये’, ‘झलक दिखला जा’ आणि ‘खतरो के खिलाडी’ या कार्यक्रमांनी प्रसिद्धीच्या झोतात आलेल्या करणवर कायदेशीर कारवाई करण्यात येणार असल्याचे सांगण्यात येत आहे.
अव्यावसायिक वर्तन करणारा व्यक्ती हा कठोर कारवाईस पात्र असतो. कलाकारांच्या अनियमित आणि अव्यावसायिक वर्तनाचा इतरांच्याही उपजीविकेवर परिणाम होतो. आम्ही करणवर कायदेशीर कारवाई करणार असून, त्याच्याजागी लवकरच दुस-या कलाकाराची निवड करण्यात येईल, असे झी कन्टेन्ट प्रमुख अजय भालवनकर म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Karan singh grover sacked from qubool hai