“…तर तो आपल्या ड्रायव्हरसोबत जेवण करु शकतो”, करीनाच्या बॉयफ्रेण्डबद्दल रणधीर असं का म्हणाले होते?

करीनाने नुकतीच ट्विक इंडिया या शोमध्ये हजेरी लावली होती. या शोमध्ये ट्विंकल खन्ना आणि करीना कपूर अनेक गोष्टींवर बोलत होते. त्यावेळी त्यांच्या डायट विषयी बोलत असताना, बॉयफ्रेंड हा शाकाहारी असल्यामुळे तिच्या वडिलांची कशी प्रतिक्रिया होती हे सांगितलं. करीनाला तिच्या वडिलांची आणि बॉयफ्रेंडची ओळख करून द्यायची होती. तिचे वडील तयारही झाले होते. त्यांनी मुगलई क्वीझनच्या हॉटेलमध्ये त्याला बोलावलं. करीनाने त्यांना सांगितलं की माझा बॉयफ्रेंड हा शाकाहारी आहे. तेव्हा ते म्हणाले, “काही नाही बेटा, तो आपल्या ड्रायव्हरसोबत जेवण करू शकतो.”

पुढे करीना ट्विंकलला म्हणाली, “तुला तर माहित आहे की ते खवय्या आहेत.” तेव्हा ट्विंकलने विचारलं की “तरी तुझा बॉयफ्रेंड डिनरसाठी तुझ्या वडिलांसोबत थांबला का?” तर करीना म्हणाली, “तो थांबला आणि एकटक बघत राहिला.”

आणखी वाचा : “मुलगी आणि पत्नीसोबत पाहू शकत नाही असा चित्रपट…”, अल्लू अर्जुनचं वक्तव्य चर्चेत

आणखी वाचा : “एक दिवस रात्री ३ वाजता रस्त्यावर एकटी…”, अक्षयसोबत ब्रेकअपनंतर काय घडले? रवीनाने केला खुलासा

दरम्यान, करीनाने २०१२ मध्ये सैफ अली खानशी लग्न केले आहे. सैफ सुद्धा खवय्या आहे. तो बऱ्याचवेळा रोस्ट चिकन बनवतो. करीना शाहिदसोबत बरीच वर्षे रिलेशनशिपमध्ये होती. रिपोर्ट्सनुसार, शाहिद हा शाकाहारी आहे आणि त्याच्यासाठी करीना देखील शाकाहारी झाली होती.