बॉलिवूड अभिनेता कार्तिक आर्यन सोशल मीडियावर नेहमीच चर्चेत असतो. अनेकदा आपल्या खासगी आयुष्यामुळेही कार्तिकच्या नावाची चर्चा सोशल मीडियावर होताना दिसते. काही वर्षांपूर्वी कार्तिक आर्यन आणि सारा अली खान यांच्या डेटिंगच्या बऱ्याच चर्चा झाल्या होत्या. दोघांनी एकत्र काम केलं होतं. पण नंतर दोघांचं ब्रेकअप झाल्याचं वृत्त समोर आलं. दोघांनी अर्थातच यावर प्रतिक्रिया दिली नाही. पण जेव्हा ब्रेकअपनंतर दोघंही अचानक एकमेकांच्या समोर आले तेव्हा जे घडलं ते कॅमेऱ्यात कैद झालं आणि हा व्हिडीओ सध्या सोशल मीडियावर व्हायरल होताना दिसत आहे. कार्तिक आर्यन आणि सारा अली खान नुकतेच एका कार्यक्रमात एकमेकांसमोर आले. यावेळचा त्यांचा एक व्हिडीओ सध्या सोशल मीडियावर व्हायरल होताना दिसत आहे. जेव्हा कार्तिकनं साराला या कार्यक्रमात पाहिलं तेव्हा त्यानं जे केलं फारच कौतुकास्पद होतं. मागचे सगळे वाद आणि भांडण विसरून कार्तिकनं साराची गळाभेट घेतली एवढंच नाही तर तिच्यासोबत त्यानं कॅमेऱ्याला पोज देखील दिली. सारा देखील त्याच्यासोबत हसून बोलताना दिसली. विशेष म्हणजे ब्रेकअपनंतरही दोघांमधील मैत्रीचं नातं मात्र आजही कायम असल्याचं या व्हिडीओमध्ये पाहायला मिळत आहे. आणखी वाचा- हृतिक रोशनवर कोसळला दुखःचा डोंगर, कुटुंबातील जवळच्या व्यक्तीचं निधन कार्तिक आणि साराच्या जोडीला पसंत करणारे त्यांचे चाहत्यांमध्ये सध्या आनंदाचं वातावरण आहे. दोघंही पुन्हा एकत्र दिसल्यानंतर सोशल मीडियावर पुन्हा एकदा #Sartik ट्रेंड होताना दिसत आहे. दरम्यान 'लव्ह आजकल २' चित्रपटाच्या वेळी सारा आणि कार्तिक यांच्या नात्याची सोशल मीडियावर बरीच चर्चा झाली होती. पण नंतर दोघांनी एकमेकांना सोशल मीडियावर अनफॉलो केलं आणि त्यानंतर या दोघांमध्ये काहीतरी बिनसल्याचं समोर आलं. या चित्रपटानंतर दोघंही कुठेही एकत्र दिसले नाहीत. आणखी वाचा- शिल्पा शेट्टी स्वतःपेक्षा वयाने लहान असलेल्या अभिनेत्याच्या प्रेमात? म्हणाली “माझं त्याच्यावर…” दरम्यान सध्या कार्तिक आर्यनबद्दल बोलायचं तर त्याचं नाव अभिनेत्री कृती सेनॉनशी जोडलं जात आहे. दोघांना अनेकदा एकत्र स्पॉट केलं गेलं आहे. या कार्यक्रमातही कृती आणि कार्तिक एकत्र दिसले होते. दोघंही एकमेकांना डेट करत असल्याच्या चर्चा असल्या तरी दोघांनी अद्याप यावर कोणतीही प्रतिक्रिया दिलेली नाही.
