जाणून घ्या, कधी आणि कुठे पाहता येईल ऑस्कर पुरस्कार सोहळा! - मराठी बातम्या | Know How And When You Can Watch Oscar Award Ceremony Vsk 98

यंदा करोना प्रादुर्भावाच्या पार्श्वभूमीवर हा सोहळा ऑनलाईन होणार आहे.

९३वा अकॅडमी पुरस्कार सोहळा उद्या पार पडणार आहे. यावेळी करोनाचा प्रादुर्भाव लक्षात घेऊन हा सोहळा व्हर्चुअल पद्धतीने होणार आहे. जगभरातल्या प्रेक्षकांसाठी हा सोहळा लाईव्ह दाखवला जाणार आहे. जाणून घ्या भारतीय वेळेनुसार हा सोहळा कधी पाहायला मिळेल आणि कुठे!

यंदाच्या या पुरस्कार सोहळ्याचे होस्ट असणार आहेत अभिनेत्री प्रियांका चोप्रा आणि तिचा पती गायक निक जोनस. या पुरस्कारासाठीची नामांकनं जाहीर झालेली आहेत. ती oscar.com या ऑस्करच्या ऑफिशिअल वेबसाईटवरुन जाणून घेता येतील. त्याचसोबत ऑस्करच्या विविध सोशल मीडिया अकाऊंट्सवरही या नामांकनांची यादी मिळेल.

Ready for the #Oscars? Find out how to watch. https://t.co/OGDntiRDz4
— The Academy (@TheAcademy) April 25, 2021

कधी होणार ऑस्कर पुरस्कार सोहळा २०२१?

ऑस्कर पुरस्कार सोहळा आज म्हणजे रविवारी रात्री पार पडणार आहे. मात्र भारतीय वेळेनुसार हा सोहळा उद्या म्हणजे २६ तारखेला पहाटे ५.३०वाजल्यापासून सकाळी८.३० वाजेपर्यंत चालेल.

कुठे पाहता येईल हा पुरस्कार सोहळा?

जगभरातल्या करोना प्रादुर्भावामुळे यंदाचा ऑस्कर पुरस्कार सोहळा ऑनलाईन पद्धतीने होणार आहे. हा सोहळा ऑस्करच्या ऑफिशिअल वेबसाईटवरुन oscars.com वरुन पाहता येणार आहे. तसंच ऑस्करच्या युट्युब चॅनेलवरुनही हा सोहळा पाहता येईल. अकॅ़डमीच्या सोशल मीडिया अकाऊंट्सवरुनही हा सोहळा दाखवण्यात येणार आहे.

यंदाच्या पुरस्कार सोहळ्यासाठी रसिक उत्सुक आहेत. कारण गेल्या काही वर्षांपेक्षा वैविध्यपूर्ण चित्रपटांना नामांकनं आहेत.

First published on: 25-04-2021 at 16:08 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Know how and when you can watch oscar award ceremony vsk