Koffee with Karan 7 : “मी व्हॅनिटी व्हॅनमध्ये सेक्स…” रणवीरने केला लग्नानंतरच्या पहिल्या रात्रीचा खुलासा

‘कॉफी विथ करण’मध्ये रणवीर सिंगने त्याच्या सेक्स लाइफबद्दल अनेक खुलासे केले आहेत. विशेषतः बिंगो गेममध्ये रणवीर सिंगने लग्नाच्या पहिल्या रात्री देखील सेक्स केल्याची कबुली दिली. एवढंच नाही तर त्याने सांगितलं की, “आम्ही हे आमच्या व्हॅनिटी व्हॅनमध्येही केलं होतं आणि माझ्याकडे सेक्ससाठी वेगवेगळ्या प्लेलिस्ट आहेत.” करण जोहरने रणवीरला, “लग्नाच्या सगळ्या विधी होईपर्यंत तू थकला नव्हतास का?” असा प्रश्न विचारल्यावर रणवीरनं नाही म्हणून मान हलवली आणि म्हणाला, “नाही, मी फक्त जरा जास्त बिझी होतो.”

या शोमध्ये रणवीर सिंगसोबत अभिनेत्री आलिया भट्टने देखील हजेरी लावली होती. आपल्या लग्नाच्या पहिल्या रात्रीबद्दल बोलताना आलिया म्हणाली, “लग्नाच्या पहिल्या रात्री कोणी काहीच करत नाही. कारण लग्नाच्या एवढ्या सगळ्या विधी झाल्यानंतर आपण थकलेले असतो. त्यामुळे ‘सुहागरात’ नावाची कोणतीही गोष्ट लग्नाच्या पहिल्या रात्री नसते. लग्नाच्या बाबतीत हे सर्वात मोठी खोटी गोष्ट आहे. पण हे सगळं रणवीरला लागू होत नाही. तो नेहमीच उत्साही असतो.”

आपल्या शोबद्दल बोलताना करण म्हणाला, “आम्हाला २ वर्ष एक कोठडी बंद करून ठेवण्यात आलं होतं. मी बरंच काही केलं पण त्या काळात कोणतीही गोष्ट सोपी नव्हती. जेव्हा या शोचं नावं घेतलं जायचं तेव्हा लोकांच्या नकारात्मक कमेंट येत असत. अशीही वेळ आली होती जेव्हा मला हा शो पुन्हा कधीच करू शकणार नाही असं वाटत होतं.” यावर रणवीर म्हणाला, “हे सगळं चुकीचं आहे आणि या सगळ्यात कोणतंही तथ्य नव्हतं.”

दरम्यान या एपिसोडमध्ये रणवीर सिंगने हृतिक रोशन, धर्मेंद्र, कार्तिक आर्यन, वरुण धवन आणि आमिर खान यांसारख्या प्रसिद्ध कलाकारांची हुबेहूब नक्कल केली. त्याचं हे वागणं पाहून आलिया भट्ट आणि करण जोहर दोघंही हैराण झाले होते. याशिवाय रणवीरने आपल्या हुशारीच्या जोरावर रॅपिड फायर राउंडचं हॅम्पर देखील जिंकलं.