महेश भट्ट यांनी आमिर खानमुळे त्यांचा स्वतःचा ‘गुलाम’ चित्रपट सोडला होता; काय होतं नेमकं कारण?

महेश भट्ट यांनी यापूर्वी आमिरच्या परफेक्शनिझमला त्यांच्या मार्गातील अडथळा म्हणून वर्णन केले होते. पण एक वेळ अशी आली की, त्यांना आमिरबरोबर काम करायचे नव्हते. त्यामुळे त्यांनी स्वतःचा ‘गुलाम’ चित्रपट सोडला. त्यामुळे परिस्थिती पूर्णपणे वेगळी होती.

‘गुलाम’ चित्रपटाचा भाग असलेले दीपक तिजोरी यांनी अलीकडेच ‘बॉलीवूड बबल’शी बोलताना या घटनेची आठवण करून दिली आणि सांगितले की, महेश भट्ट यांना प्रत्यक्षात आमिर खानबरोबर काम करायचे नव्हते म्हणून त्यांनी चित्रपट सोडला. ते म्हणाले, “मला कळले की, भट्टसाहेबांनी ‘गुलाम’ चित्रपट सोडला आहे. महेश भट्ट म्हणाले, “मी हे करू शकत नाही, मी आमिरला सहन करू शकत नाही.” दीपक यांनी सांगितले की, त्यानंतर विक्रम भट्ट यांनी दिग्दर्शनाची जबाबदारी घेतली आणि तोपर्यंत चित्रपटाची निर्मिती दोन वर्षे सुरू होती.

‘स्क्रीन’ला दिलेल्या मुलाखतीत महेश भट्ट यांनीही या प्रकरणाबद्दल सांगितले आणि ते म्हणाले होते, “मी यातून दूर जाण्याचा निर्णय घेतला. मला वाटत नाही की, चित्रपट माझ्यासाठी इतके महत्त्वाचे आहेत की, मी माझे संपूर्ण आयुष्य त्यासाठी समर्पित करू शकेन. ते माझ्यासाठी इतके महत्त्वाचे नाही आणि जर मी अन्यथा म्हटले, तर मी खोटे बोलेन.”

‘गुलाम’पूर्वी महेश भट्ट आणि आमिर खानने ‘दिल है की मानता नहीं’ व ‘हम हैं राही प्यार के’मध्ये एकत्र काम केले होते. ‘रेडिओ नशा’शी झालेल्या दुसऱ्या एका संभाषणात महेश यांनी खुलासा केला होता की, आमिरने एकदा ‘दिल है की मानता नहीं’मधील त्याच्या भूमिकेबद्दल १० तास चर्चा केली होती.

आमिर खान सध्या त्याच्या ‘सितारे जमीन पर’ चित्रपटात दिसत आहे. हा चित्रपट ‘लाल सिंग चड्ढा’च्या मोठ्या अपयशानंतर प्रदर्शित झाला होता. ‘सॅकनिल्क’च्या मते, या चित्रपटाने आतापर्यंत १५४ कोटींपेक्षा जास्त कमाई केली आहे.