मनोज बाजपेयींनी केले अमृता सुभाषचे तोंडभरून कौतुक; उत्कृष्ट अभिनेत्रीचा पुरस्कार देत म्हणाले, “तिची जिद्द…”

‘झी ५’ने आयोजित केलेल्या एका पुरस्कार समारंभात अमृताला ‘सास बहू आचार प्रायव्हेट लिमिटेड’ या चित्रपटासाठी सर्वोत्कृष्ट अभिनेत्रीचा पुरस्कार मिळाला. हा पुरस्कार अमृता सुभाषला प्रसिद्ध अभिनेते मनोज बाजपेयी यांच्या हस्ते देण्यात आला. यावेळी मनोज बाजपेयी यांनी अमृताचं तोंडभरून कौतुक केलं.

आणखी वाचा : बहुप्रतीक्षित वेब सीरिज ‘असुर सीझन २’ बद्दल मोठी अपडेट; ‘या’ महिन्यात ‘या’ ओटीटी प्लॅटफॉर्मवर होणार प्रदर्शित

अमृता सुभाषने हा व्हिडीओ तिच्या सोशल मीडिया अकाऊंटवर शेअर केला आहे. या व्हिडीओमध्ये मनोज म्हणाले, “अमृता एक उत्कृष्ट अभिनेत्री आहे. अभिनयाप्रती असलेले तिचे प्रेम, जिद्द चिकाटी यांचं कौतुक करावं तितकं कमी आहे. मी अमृताचा ‘किल्ला’ हा चित्रपट पाहिला तेव्हापासूनच मी तिच्या कामाचा चाहता झालो. मला तिचं काम खूप आवडतं, हा पुरस्कार देण्याची मला संधी मिळाली याचा मला आनंद आहे.”

पुरस्कार घेतल्यानंतर अमृतानेही उपस्थित असलेल्या लोकांचे आणि तिच्या करीअरमध्ये योगदान देणाऱ्या लोकांचे मनापासून आभार मानले. याबरोबरच मनोज बाजपेयी यांनी केलेलं कौतुक ऐकून तिला फारच बरं वाटलं हे तिने हा व्हिडिओ पोस्ट करताना लिहिलं. मनोज यांचा ‘झी ५’वर ‘सिर्फ एक बंदा काफी है’ हा चित्रपट प्रदर्शित झाला आहे अन् त्याला उत्तम प्रतिसादही मिळत आहे.