‘आयुष्यात एकसूत्रीपणा आणण्याचा प्रयत्न करेन’

मनातून सर्व नकारात्मक विचार दूर करून एक छान सकारात्मक जीवन जगण्याचा प्रयत्न मी पुढील वर्षी करणार आहे.  माझे काम आणि खासगी आयुष्य यात एकसूत्रीपणा आणण्याचा माझा संकप असेल. चालू वर्षी कामाच्या ओघात माझे शेड्यूल्ड खूप विस्कळीत झाले होते, त्यामुळे आगामी वर्षात या सर्व गोष्टींची मी पुरेपूर काळजी घेण्याचे ठरले आहे. तसेच नेहमीच्या त्याच त्याच भूमिकेच्या बाहेर जाऊन वेगळी भूमिका करण्याचा विचार मी येत्या २०१७  साली करणार आहे. मुळात त्यासाठी मी माझे प्रयत्न देखील सुरु केले आहेत. आगामी वर्षात ‘करार’ आणि ‘ट्रकभर स्वप्न’ या माझ्या दोन चित्रपटातील माझ्या भूमिका या खूप वेगळ्या आहेत. चाकोरीबद्ध भूमिकेतून बाहेर पडण्याचा माझा हा मानस आगामी वर्षात पूर्ण करेन. तसेच निर्मितीक्षेत्रातही विशेष काहीतरी करण्याची इच्छा आहे.