scorecardresearch

Premium

‘अस्तित्व’ नाटक पाहून अभिनेते अजिंक्य देव यांची प्रतिक्रिया, म्हणाले, “भरतने रडवलं…”

अभिनेते अजिंक्य देव यांनी रसिक प्रेक्षकांना ‘अस्तित्व’ नाटक पाहण्याचं केलं आवाहन

Ajinkya deo reaction on bharat jadhav new play astitva
अभिनेते अजिंक्य देव यांनी रसिक प्रेक्षकांना 'अस्तित्व' नाटक पाहण्याचं केलं आवाहन

मराठी नाट्यसृष्टीमध्ये ज्यांचं अत्यंत अदबीनं नाव घेतलं जातं असे हरहुन्नरी अभिनेते भरत जाधव यांचं ‘अस्तित्व’ नाटक सध्या रंगभूमीवर जोरदार सुरू आहे. स्वप्नील जाधव लिखित, दिग्दर्शित ‘अस्तित्व’ या नाटकात भरत जाधव यांच्यासह चिन्मयी सुमित, सलोनी सुर्वे, हार्दिक जाधव, श्याम घोरपडे, जयराज नायर प्रमुख भूमिकेत पाहायला मिळत आहेत. अपेक्षांच्या गर्दीत हरवलेल्या नात्यांचं अस्तित्व शोधणाऱ्या या कौटुंबिक नाटकाची सध्या चांगलीच चर्चा सुरू आहे. अभिनेते अजिंक्य देव यांनी नुकतंच हे नाटक पाहिलं आणि त्यांनी आपली पहिली प्रतिक्रिया नोंदवली.

अभिनेते अजिंक्य देव ‘अस्तित्व’ हे नाटक पाहून म्हणाले, “आताच मी भरत जाधव एंटरटेनमेंट केलेलं ‘अस्तित्व’ हे नाटक पाहून भारावून बाहेर आलो आहे. एक खूप छान लिहिलेलं, अत्यंत छान डायलॉग आणि अत्यंत उत्कृष्ट काम यामध्ये सगळ्याच लोकांनी केलं आहेत. एक मनाला कुठेतरी लागणार, दुसरा अंक तर अंगावर आला. मला बोलताच येत नव्हतं. भरतने रडवलं, असं म्हणणं खूप मोठी गोष्ट आहे. कारण जो आज मराठी चित्रपटसृष्टीतला विनोदाचा बादशाह आहे. खासकरून भरत जाधवला गंभीर काम करताना बघायला, लोकांना कदाचित वाटतं असेल तो कसं करू शकेल. मी तेवढ्यासाठी सर्वांना म्हणेण हे नाटक जरूर बघा. कारण हा कलाकार आहे हे सिद्ध होतं. हा फक्त विनोदवीर नाही तर कलाकार आहे. त्याने खूप सुंदर भूमिका केली आहे. डोळ्यात पाणी आणणारे त्याचे शेवटचे डायलॉग आहेत आणि ज्या पद्धतीने सादर केलंय ते अप्रतिम आहे. बाकी सहकलाकारांनी खूप छान काम केलं आहे. माझ्या हार्दिक शुभेच्छा. मी सगळ्यांना आवर्जुन सांगेण हे नाटक पाहा.” भरत जाधव यांनी अजिंक्य देव यांच्या या प्रतिक्रियेचा व्हिडीओ शेअर करत त्यांचे आभार मानले आहेत.

film director Kumar Shahani passed away
प्रख्यात चित्रपट दिग्दर्शक कुमार शाहनी यांचे निधन; कलात्मक हिंदी चित्रपटसृष्टीचा महत्त्वाचा दुवा निखळला
ranveer singh three action movie
‘सिंघम अगेन’, ‘डॉन ३’ आणि ‘शक्तिमान’..रणवीर सिंगचे तीन अ‍ॅक्शन अवतार
viju-mane-marathi-industry
मराठी चित्रपट का चालत नाही? विजू मानेंनी दिलं स्पष्ट उत्तर; म्हणाले, “बऱ्याच मंडळींना वाटतं की…”
yavatmal aarchi tigress marathi news, tipeshwar wildlife sanctuary marathi news, aarchi tigress yavatmal marathi news
VIDEO : ‘आर्ची’ कुटुंबकबिल्यासह दिसताच पर्यटक सैराट, टिपेश्वरच्या जंगलात झिंग झिंग झिंगाट!!!

हेही वाचा – Video: शाहरुख खानच्या लेकीच्या डान्सने वेधलं लक्ष; अफेअरच्या चर्चेदरम्यान अगस्त्य नंदाबरोबर सुहानाचा रोमँटिक डान्स

हेही वाचा – निकिता गांधीच्या कॉन्सर्टमध्ये झालेल्या चेंगराचेंगरीत ४ विद्यार्थ्यांचा मृत्यू, ६४ जखमी; गायिका शोक व्यक्त करत म्हणाली, “ही दुर्दैवी…”

दरम्यान, ‘अस्तित्व’ या नाटकात एका अशा कुटुंबाची कथा दाखवली आहे, जे आपले अस्तित्व टिकवण्यासाठी धडपडत आहे. या कुटुंबात एकमेव कमावणाऱ्या आणि नोकरीतून लवकरच निवृत्त होणाऱ्या संतोष हसोळकरची ही कथा आहे. ज्याने निवृत्तीनंतर मुंबई सोडण्याचा निर्णय घेतला आहे. मात्र त्याच्या या निर्णयाला घरच्यांचा विरोध असून प्रत्येक जण आपल्या अस्तित्वाच्या शोधात आहेत, असं दाखवण्यात आलं आहे.

Latest Comment
View All Comments
Post Comment

मराठीतील सर्व मराठी सिनेमा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ajinkya deo reaction on bharat jadhav new play astitva pps

First published on: 26-11-2023 at 14:22 IST

संबंधित बातम्या

तुम्ही या बातम्या वाचल्या आहेत का? ×