उपमुख्यमंत्री अजित पवार यांनी सूरज चव्हाणच्या घराच्या बांधकामाची पाहणी, म्हणाले, “कुठेही कसूर राहता कामा नये”

“कामाची गुणवत्ता चांगलीच असली पाहिजे”

अजित पवार यांच्या एक्स या सोशल मीडिया प्लॅटफॉर्मवर एक पोस्ट पाहायला मिळत आहे. या पोस्टमध्ये लिहिले, “बिग बॉस मराठीचा विजेता, बारामतीचा सुपुत्र सूरज चव्हाणच्या नवीन घराच्या चालू बांधकामाची पाहणी केली. कामात कुठेही कसूर राहता कामा नये, कामाची गुणवत्ता चांगलीच असली पाहिजे, अशा सूचना संबंधितांना दिल्या.” या पोस्टमध्ये काही फोटोदेखील पाहायला मिळत आहेत. या फोटोंमध्ये अजित पवार घराच्या बांधकामाची पाहणी करताना दिसत आहेत. तसेच काही फोटोंमध्ये ते उपस्थितांशी संवाद साधत असल्याचे दिसत आहे.

सूरज चव्हाणने अनेकदा सोशल मीडियाच्या माध्यमातून अजित पवार यांचे आभार मानल्याचे याआधी पाहायला मिळाले आहे. काही दिवसांपासून तो त्याच्या चित्रपटामुळे मोठ्या चर्चेत आहेत. सूरजचा झापूक झुपूक हा सिनेमा लवकरच प्रेक्षकांच्या भेटीला येणार आहे. या चित्रपटाचा ट्रेलर नुकताच प्रेक्षकांच्या भेटीला आला. चित्रपटात सूरज चव्हाण एका वेगळ्या भूमिकेत पाहायला मिळत आहे.

बिग बॉस मराठीचा विजेता, बारामतीचा सुपुत्र सुरज चव्हाणच्या नवीन घराच्या चालू बांधकामाची पाहणी केली. कामात कुठेही कसूर राहता कामा नये, कामाची गुणवत्ता चांगलीच असली पाहिजे, अशा सूचना संबंधितांना दिल्या.

?बारामती pic.twitter.com/GlFDQoqBCj

This quiz is AI-generated and for edutainment purposes only.

— Ajit Pawar (@AjitPawarSpeaks) April 13, 2025

निरागस आणि रौद्र अशा दोन्ही रूपांत तो चित्रपटात दिसणार असल्याचे ट्रेलरमध्ये पाहायला मिळाले. चित्रपटाच्या ट्रेलर लाँच सोहळ्यात लोकप्रिय अभिनेता रितेश देशमुखनेदेखील हजेरी लावली होती. केदार शिंदे दिग्दर्शित या चित्रपटात सूरज चव्हाणसह पुष्कराज चिरपुटकर, मिलिंद गवळी, जुई भागवत हे कलाकारदेखील मुख्य भूमिकांत दिसत आहेत. २५ एप्रिल २०२५ ला हा चित्रपट प्रदर्शित होणार आहे. आता बिग बॉस मराठी ५ मध्ये जसे सूरजला प्रेक्षकांचे प्रेम मिळाले, त्याप्रमाणेच त्याच्या या नवीन चित्रपटाला प्रतिसाद मिळणार का, हे पाहणे महत्त्वाचे ठरणार आहे.