“बाळासाहेबांना नाटक कसं वाटलं?” प्रयोगानंतर भरत जाधवने केलेला राज ठाकरेंना फोन; समोरून असं काही उत्तर मिळालं की…

‘महाराष्ट्राची लोकधारा’, ‘आमच्यासारखे आम्हीच’, ‘सही रे सही’, ‘श्रीमंत दामोदर पंत’ अशा अनेक नाटकांमधून काम करत भरत गेली अनेक वर्ष रंगभूमीवरून प्रेक्षकांच्या भेटीला येत आहे. त्याच्या जवळपास प्रत्येक प्रयोगाला नाट्यगृहाच्या बाहेर हाउसफुलची पाटी लागते. एकदा त्याचं ‘सही रे सही’ नाटक पाहायला बाळासाहेब ठाकरे आले होते. ते नाटक पाहून त्यांची काय प्रतिक्रिया होती हे भरतने शेअर केलं.

आणखी वाचा : “हे शहर आता…,” भरत जाधवने उघड केलं मुंबई सोडण्यामागचं खरं कारण

भरत जाधव म्हणाला, “बाळासाहेब ठाकरे यांनी जेव्हा माझ्या नाटकाला उपस्थिती लावली होती तेव्हा त्यांची तब्येत बरी नव्हती. त्यांना इतका वेळ बसवेल की नाही अशी शंका वाटत होती. पण त्यांनी संपूर्ण नाटक पाहिलं. त्या रात्री मी राज ठाकरे साहेबांना फोन केला आणि त्यांना विचारलं की, बाळासाहेबांना नाटक कसं वाटलं? तेव्हा ते म्हणाले, ते घरी आल्यापासून गलगलेंसारखं बाळासाहेब उठले, बाळासाहेब निघाले असंच बोलत आहेत. गलगले या व्यक्तिरेखेचा त्यांच्यावर इतका प्रभाव पडला होता.”

हेही वाचा : “आम्हाला त्यांनी २ दिवस कोंडून ठेवले, जेवण दिले नाही अन्…”; ‘बलोच’च्या निर्मात्याने सांगितला शूटिंगदरम्यान आलेला भयानक अनुभव

बाळासाहेब ठाकरे त्यांच्याकडून मिळालेली ही प्रतिक्रिया भरत जाधवसाठी अविस्मरणीय होती. ही प्रतिक्रिया तो कधीही विसरू शकत नाही असंही त्याने सांगितलं.