पुण्याच्या नवीन मेट्रोमधून मराठमोळ्या अभिनेत्याने पहिल्यांदाच केला प्रवास; म्हणाला, “पुणेकरांनी…”

आजपासून पुणे मेट्रोचा दुसरा टप्पा पुणेकरांच्या सेवेत रुजू झाला आहे. या सेवेचा लाभ अभिनेता सौरभ गोखलेने घेतला आहे. याचा अनुभव त्याने सोशल मीडियावर शेअर केला असून पुणेकरांना एक सल्लाही दिला आहे.

हेही वाचा – शमिता शेट्टीचा एक्स बॉयफ्रेंड हॉस्पिटलमध्ये दाखल; व्हिडीओ शेअर करत चाहत्यांना दिली माहिती

सौरभने इन्स्टाग्राम स्टोरीला एक व्हिडीओ शेअर केला आहे. या व्हिडीओत तो म्हणाला की, “हॅलो. मी आज नवीन सुरू झालेल्या मेट्रोचा पहिला प्रवास केलेला आहे. माझ्या पिंपरी-चिंचवडच्या घरापासून ते कलावंतची प्रॅक्टिक्स आहे, तिथेपर्यंत प्रवास केला आहे. आश्चर्यकारक अनुभव आहे. आता पुणेकरांनी आवर्जुन ही सेवा वापरावी. स्वच्छ ठेवावी, एवढीच अपेक्षा आहे. खूप सुंदर आहे. महा मेट्रो, पुणे मेट्रो खूप भारी.” या व्हिडीओबरोबर अभिनेत्याने पुणे मेट्रोच्या तिकिटाचा फोटोही शेअर केला आहे.

हेही वाचा – Video: “…तेव्हापासून ३६ वर्षे मी दारुचा एक थेंब प्यायलो नाही”; महेश भट्ट यांनी बिग बॉस ओटीटीच्या घरातील सदस्यांना सांगितला ‘तो’ किस्सा

हेही वाचा – “मला लोक घाबरतात” स्वतःच्या प्रतिमेविषयी शरद पोंक्षेंचे वक्तव्य, म्हणाले, “…त्यामुळे माझी सटकते”

दरम्यान, आज पंतप्रधान नरेंद्र मोदी यांच्या हस्ते पुणे मेट्रोच्या दुसऱ्या टप्प्याचे उद्घाटन झाले. या मेट्रोच्या दुसऱ्या टप्प्यात दोन मार्गिकांचा समावेश आहे. यात पहिली मार्गिका गरवारे महाविद्यालय ते रुबी हॉलपर्यंत तर दुसरी मार्गिका ही फुगेवाडी ते सिव्हिल कोर्ट अशी आहे.