प्रसिद्ध मराठी चित्रपटाच्या निर्मात्याने थकवले पैसे, शशांक केतकरचा आरोप, म्हणाला “मोठ्या कलाकारांना…”

शशांकने नुकतंच फेसबुकवर पोस्ट शेअर केली आहे. यात त्याने त्याचे पैसे थकवल्याप्रकरणी संताप व्यक्त केला आहे. ज्याच्याकडे पैसा नाही त्याला प्रोड्युसर का म्हणतो आपण, असा प्रश्नही शशांकने उपस्थित केला आहे.
आणखी वाचा : ‘सुंदरा मनामध्ये भरली’ मालिका का सोडली? अतिशा नाईकने सांगितलं खरं कारण, म्हणाली “मला पश्चाताप…”

शशांक केतकरची पोस्ट

“मी आणखी एका फसव्या प्रोडक्शन हाऊसबरोबर काम केले आहे. ज्याने मला माझ्या कामाचे X, xx, xxx लाख रुपये देण्याचे वचन दिले होते आणि त्यांनी दिलेले काम मी त्यांच्या अपेक्षेनुसार पूर्ण केले आहे…. (डबिंग वगळता)

गेल्या अनेक महिन्यांपासून मी या फसव्या प्रोडक्शन हाऊसबद्दल पाठपुरावा करत आहे आणि ते लोक मला प्रत्येकवेळी फक्त विविध कारणं देत आहेत. मी एका मराठी चित्रपटाबद्दल बोलत आहे, ज्यात सिनेसृष्टीतील अनेक मोठ्या कलाकारांनी काम केले आहे. त्या मोठ्या कलाकारांना त्यांच्या देय रकमेची वाजवी टक्केवारी आधीच देण्यात आली आहे. पण मला आणि त्याच टीममधील इतर अनेकांना २० टक्के रक्कमही मिळालेली नाही.

माझ्या आणि निर्मात्यांमध्ये झालेल्या संवादाचे सर्व तपशील योग्य वेळी न्यूज आणि मीडिया चॅनेलशी शेअर केले जातील.

गमतीचा भाग हा आहे की एखाद्याकडे अॅक्टिंग स्किल्स नसतील तर त्याला आपण अभिनेता म्हणत नाही… मग ज्याच्याकडे पैसा नाही त्याला प्रोड्युसर का म्हणतो आपण”, असे शशांक केतकरने या पोस्टमध्ये म्हटले आहे.

आणखी वाचा : “…तर माझ्या आईच्या चारित्र्यावर शिंतोंडे उडले असते”, रंगावरुन होणाऱ्या भेदभावावर मराठी अभिनेत्रीने मांडलं स्पष्ट मत, म्हणाल्या “गोरं व्हायचं क्रीम…”

दरम्यान शशांक केतकरने शेअर केलेली ही पोस्ट सध्या चांगलीच चर्चेत आहे. त्याच्या या पोस्टवर अनेकजण कमेंट करताना दिसत आहे. तसेच सध्या त्याची ही पोस्ट व्हायरल होताना दिसत आहे.