Video: प्रसाद ओक स्वप्नील जोशीला देत होता वाढदिवसाच्या खास शुभेच्छा, पण घडलं भलतंच, पाहा व्हिडीओ

हेही वाचा – “दुर्दैवाने होतं ते…” ‘विनाकारण राजकारण’साठी पुरस्कार मिळाल्यानंतर रुपाली भोसले असं का म्हणाली?

“जिलबी सारख्या गोड गोड शुभेच्छा” असं कॅप्शन लिहीत प्रसाद ओकने एक व्हिडीओ शेअर केला आहे. या व्हिडीओत, प्रसाद वाढदिवसानिमित्ताने स्वप्नीलला खास शुभेच्छा देताना दिसत आहे. पण यादरम्यान स्वप्नीलच मधेच येतो. त्यानंतर प्रसाद त्याला म्हणतो, “तू बरा आहेस ना?” तर स्वप्नील विचारतो, “म्हणजे?” मग प्रसाद म्हणतो, “अरे इथे तूच का आलास? मी तुलाच वाढदिवसाच्या शुभेच्छा देतोय.” स्वप्नील म्हणतो, “अरे तिकडे का शुभेच्छा देतोय? आता मी समोर आहे ना, मला शुभेच्छा दे ना…” प्रसाद म्हणतो, “समोरून.. त्यांनी काही होत नाही. समोर माणूस आला, मिठ्ठी मारली, शुभेच्छा दिल्या त्यांनी काहीही होत नाही. यातून समाधान मिळत नाही. सोशल मीडियावर शुभेच्छा दिल्या पाहिजेत. तू जा.”

हेही वाचा – वडील होते सुपरस्टार, आई आहे प्रसिद्ध अभिनेत्री; ‘या’ चिमुकलीला ओळखलंत का?

प्रसाद ओकच्या या मार्मिक आणि मजेशीर व्हिडीओवर कलाकार मंडळीसह चाहत्यांनी स्वप्नीलच्या वाढदिवसानिमित्ताने शुभेच्छांचा वर्षाव केला आहे. अमृता खानविलकर, श्रृती मराठे, सुखदा खांडकेकर, नम्रता संभेराव अशा बऱ्याच कलाकारमंडळींनी स्वप्नीलला शुभेच्छा दिल्या आहेत.

हेही वाचा – खलनायिकेची भूमिका साकारल्यामुळे कधी प्रेक्षकांचा वाईट अनुभव आला का? रुपाली भोसले म्हणाली, “मला खूप….”

दरम्यान, प्रसाद आणि स्वप्नील ‘जिलबी’ या चित्रपटात एकत्र झळकणार आहे. या चित्रपटात दोघांच्या साथीला अभिनेत्री शिवानी सुर्वे पाहायला मिळणार आहे. सध्या या चित्रपटाचं चित्रीकरण सुरू आहे.