जगभरात आज मोठ्या उत्साहात मातृदिन साजरा करण्यात आला. सामान्य लोकांपासून ते मोठमोठ्या सेलिब्रिटींपर्यंत अनेकांनी सोशल मीडियावर पोस्ट शेअर करत आज मातृदिनी आपल्या आईचे आभार मानले, तर काहींनी जुन्या आठवणींना उजाळा दिला. आईसारखं दैवत साऱ्या जगतात नाही असं म्हणतात ना…अगदी याचप्रमाणे प्रत्येकाच्या आयुष्यात आई खूप महत्त्वाची असते. बालपणापासून आपली आई नेहमीच आपल्याला खंबीरपणे साथ देते. अभिनेत्री प्रिया बापटने देखील आज मातृदिनानिमित्त खास पोस्ट शेअर केली आहे.

नाटक, मालिका, वेबसीरिज, चित्रपट अशा चारही माध्यांमध्ये आपला ठसा उमटवणारी लोकप्रिय अभिनेत्री म्हणून प्रिया बापटला ओळखलं जातं. अभिनेत्रीचं तिच्या आईबरोबर खूपच घट्ट नातं होतं. काही वर्षांपूर्वी प्रियाच्या आईने या जगाचा निरोप घेतला. त्यामुळे आज मातृदिनी आईच्या आठवणीत अभिनेत्रीने भावुक पोस्ट शेअर केली आहे.

हेही वाचा : चार वर्षांनी भारतात परतलेली मृणाल दुसानिस सध्या काय करते? म्हणाली, “ठाण्याला शिफ्ट होऊन…”

प्रिया बापटची आईसाठी खास पोस्ट

प्रिया लिहिते, “आय मिस यू आई…तुला नेहमी वाटायचं मी गाणं शिकावं…त्यात पुढे जावं. मला आजही आठवतंय की, तू आम्हाला रोज रात्री ‘या चिमण्यांनो परत फिरा रे’ हे गाणं म्हणून दाखवायचीस. हे खास गाणं फक्त तुझ्यासाठी…मला माहितीये तू जिथे कुठे असशील तिथे माझा आवाज नक्की पोहोचत असेल.”

हेही वाचा : Video : ‘हसताय ना? हसायलाच पाहिजे’च्या मंचावर ‘नाच गं घुमा’! भरत जाधव, अलका कुबल यांचा जबरदस्त डान्स

प्रियाने या व्हिडीओमध्ये तिच्या स्वत:च्या आवाजात खास आईसाठी ‘लुका चुप्पी बहुत हुयी’ हे ‘रंग दे बसंती’ चित्रपटामधलं गाणं गायलं आहे. हे गाणं लता मंगशेकर यांनी गायलं होतं. ‘लुका चुप्पी’ गाणं ऐकताच कोणाचेही डोळे पाणावल्याशिवाय राहत नाही. प्रियाने आज खास मातृदिनी आपल्या आईच्या आठवणीत हे गाणं गायलं आहे.

हेही वाचा : “सर्वात चांगली आई…”, मातृदिनानिमित्त रितेश देशमुखने शेअर केला खास व्हिडीओ; जिनिलीया कमेंट करत म्हणाली…

This quiz is AI-generated and for edutainment purposes only.

दरम्यान, प्रियाच्या पोस्टवर पूर्वा फडके, समीमा घोगळे, भाग्यश्री लिमये, मनिष पॉल, पल्लवी पाटील अशा कलाकारांनी कमेंट्स करत सुंदर आवाजासाठी तिचं कौतुक केलं आहे. याशिवाय अभिनेत्रीच्या कामाबद्दल सांगायचं झालं, तर लवकरच प्रिया बॉलीवूडमध्ये झळकणार आहे. यामध्ये ती पहिल्यांदाच अभिनेता नवाजुद्दिन सिद्दिकीबरोबर स्क्रीन शेअर करणार आहे. तिच्या या नव्या प्रोजेक्टची तिचे चाहते आतुरतेने वाट पाहत आहेत.