Oscars Awards 2023 : ‘नाटू नाटू’ला ऑस्कर मिळवून देणारे एम एम कीरावनी कोण आहेत?

‘आरआरआर’ चित्रपटातील ‘नाटू नाटू’ गाण्याला बेस्ट ओरिजनल साँग म्हणून पुरस्कार मिळाला आहे. ऑस्कर मिळवत या गाण्याने इतिहास रचला आहे. भारताला पहिल्यांदाच गाण्यामुळे ऑस्कर मिळाला आहे. ‘नाटू नाटू’ गाण्यासाठी ऑस्कर मिळण्यामागे संगीतकार एम एम कीरावनी यांचा मोठा वाटा आहे.

हेही वाचा>> Oscars Awards 2023 : ‘अवतार: द वे ऑफ वॉटर’ चित्रपटाला ऑस्कर, ‘या’ श्रेणीत पटकावला पुरस्कार

हेही पाहा>> Oscars Awards 2023 : दीपिका पदुकोणचा ऑस्करसाठी ग्लॅमरस लूक, मानेवरील टॅटूने वेधलं लक्ष

कोण आहेत एम एम कीरावनी?

एम एम कीरावनी तेलुगु चित्रपटसृष्टीतील प्रसिद्ध संगीतकार आहेत. साहाय्यक संगीतकार म्हणून त्यांनी करिअरला सुरुवात केली होती. १९९० साली प्रदर्शित झालेल्या ‘मनासु ममता’ या चित्रपटामुळे ते प्रसिद्धीझोतात आले. ‘आरआरआर’ चित्रपटातील नाटू नाटू गाणंही त्यांनीच संगीतबद्ध केलं आहे.

ऑस्कर मिळवण्याआधी किरावनी यांनी अनेक आंतरराष्ट्रीय पुरस्कार नावावर केले आहेत. नाटू नाटू’ साठीच त्यांना गोल्डन ग्लोब्सचा अवॉर्डही मिळाला. ‘मगधीरा’ व ‘बाहुबली २’ या चित्रपटातील गाण्यांसाठीही त्यांना पुरस्कार मिळाले आहेत. त्यांना नुकतंच पद्मश्री पुरस्काराने सन्मानित करण्यात आलं आहे.