“भोला, शंकर…”, अशी दहशतवाद्यांची नावे बदलल्याने ‘आय सी ८१४: कंदहार हायजॅक’वर नेटकऱ्यांचा आक्षेप; म्हणाले, “तथ्यांचा…”

इब्राहिम अथर, सनी अहमद काझी, झहूर इब्राहिम, शाहिद अख्तर आणि सय्यद शाकीर या पाच दहशतवाद्यांनी काठमांडूहून दिल्लीला जाणाऱ्या आय सी ८१४ विमानाचे अपहरण केले होते. प्रवासी आणि क्रू यांना आठ दिवस ओलिस ठेवण्यात आले होते. अपहरणकर्त्यांनी भारत सरकारकडे दहशतवादी मसूद अझहर, उमर शेख आणि मुश्ताक अहमद जरगर यांची तुरुंगातून सुटका करण्याची मागणी केली होती. प्रवाशांचे जीव वाचवण्यासाठी तत्कालीन परराष्ट्र व्यवहार मंत्री जसवंत सिंग हे त्या दहशतवाद्यांना विशेष विमानाने कंदहारला घेऊन गेले होते. तिथे ओलिस ठेवलेले प्रवासी व क्रू आणि अतिरेकी यांच्यामध्ये देवाणघेवाण झाली.

यावर आधारित ‘आय सी ८१४: कंदहार हायजॅक’ ही वेबसीरिज असून २९ ऑगस्टला ही वेबसीरिज प्रदर्शित झाली आहे.

काय म्हणाले नेटकरी?

या वेबसीरिजमध्ये दहशतवाद्यांची नावे शंकर आणि भोला अशी ठेवण्यात आली आहेत. हे पाहिल्यानंतर प्रेक्षकांनी सोशल मीडियावर आपली नाराजी व्यक्त केली आहे. अनेक नेटकऱ्यांनी एक्सवर पोस्ट शेअर करीत लिहिले, निर्मात्यांनी एका विशिष्ट समुदायाशी संबंधित दहशतवाद्यांना वाचवण्यासाठी अपहरणकर्त्यांची नावे बदलून शंकर आणि भोला अशी ठेवली आहेत. अनेकांनी बॉयकॉट नेटफ्लिक्स, बॉयकॉट बॉलीवूड, बॉयकॉट आय सी ८१४ असे हॅशटॅग वापरत अनुभव सिन्हा यांनी तथ्यांचा विपर्यास केल्याचे म्हटले आहे. एका एक्स वापरकर्त्याने, दहशतवाद्यांची कृत्ये चांगली दाखवून हिंदू समुदायाला बदनाम करण्याचे काम अनुभव सिन्हाने केल्याचे म्हटले आहे.

Kandahar flight hijackers' original names:

* Ibrahim Athar
* Shahid Akhtar
* Sunny Ahmed
* Zahoor Mistry
* Shakir

Anubhav Sinha hijacker web series IC 814 depicted as:
* Bhola
* Shankar

This is how whitewashing done cinematically pic.twitter.com/8WPzJqExNO

— Rishi Bagree (@rishibagree) August 31, 2024

Can we Boycott this Hinduphobic film by Netflix & Anubhav Sinha which shows IC814 hijackers named as Bhola & Shankar

Remember how we brought Amir to his knees by ensuring Lal Singh Chadha was a super flop ?

Ab iss movie ko bhi gutter mein daal do #BoycottIC814… pic.twitter.com/sa6FE3Y1Y6

— Kedar (@shintre_kedar) August 31, 2024

आता यावर प्रतिक्रिया देताना कास्टिंग डायरेक्टर मुकेश छाब्रा यांनी एक्सवर एक पोस्ट शेअर करत लिहिले, “अपहरणकर्त्यांच्या नावाविषयी अनेक ट्विट मी वाचत आहे. आम्ही योग्य पद्धतीने संशोधन केले आहे. दहशतवादी एकमेकांना खोट्या नावाने अथवा टोपणनावाने बोलवत असत.”

i am reading so many tweets about the names of the hijackers. We did the proper research. ? They used to call each other by those names—nicknames or fake names, whatever you want to call them. ?❤️
And thank you, everyone, for loving the ensemble cast. A big thank you to my…

— Mukesh Chhabra CSA (@CastingChhabra) September 1, 2024

पुढे ते म्हणतात, “या कलाकारांवर प्रेम केल्याबद्दल, त्यांना प्रेम दिल्याबद्दल सर्वांचे मनापासून धन्यवाद. अनुभव सिन्हाने विश्वास दाखवला आणि स्वातंत्र्य दिले, त्याबद्दल त्याचे मनापासून आभार मानतो”, अशी पोस्ट मुकेश छाब्रा यांनी शेअर केली आहे.

हेही वाचा: “त्याने मला त्याच्या शोमध्ये गायला बोलवलं आणि…”, अभिजीत सावंतने सांगितलेली शाहरुख खानबद्दलची ‘ती’ आठवण

IC 814: द कंदहार हायजॅकमध्ये विजय वर्मा, नसीरुद्दीन शाह, पंकज कपूर, कुमुद मिश्रा, अरविंद स्वामी, दिया मिर्झा आणि पत्रलेखा यांसह इतर कलाकार महत्त्वाच्या भूमिकेत दिसत आहेत.