Param Sundari Box Office Collection Day 2 : सिद्धार्थ मल्होत्रा व जान्हवी कपूर यांच्या ‘परम सुंदरी’ चित्रपटाची काही दिवसांपासून खूप चर्चा होती. चाहत्यांनाही या चित्रपटाकडून खूप अपेक्षा होत्या. अखेर हा चित्रपट थिएटरमध्ये प्रदर्शित झाला. सिद्धार्थ मल्होत्रा आणि जान्हवी कपूर यांचा रोमँटिक कॉमेडी ‘परम सुंदरी’ बॉक्स ऑफिसवर चांगली कामगिरी करीत आहे.
हा सिद्धार्थ मल्होत्राच्या कारकिर्दीतील पाचवा सर्वांत मोठा ओपनिंग चित्रपट ठरला आहे. त्याने पहिल्या दिवशी सात कोटी रुपयांची कमाई केली आणि दुसऱ्या दिवशी त्याचे कलेक्शन वाढले. ‘परम सुंदरी’ने अवघ्या दोन दिवसांत १६ कोटींचा आकडा ओलांडला आहे.
‘परम सुंदरी’ला प्रेक्षक आणि समीक्षकांकडून संमिश्र प्रतिसाद मिळाला. तरीही तो चांगला अभिनय करीत आहे. हळूहळू हा चित्रपट बॉक्स ऑफिसवर वेग पकडत आहे. ‘परम सुंदरी’ने दुसऱ्या दिवशी किती कमाई केली ते जाणून घेऊया.
‘परम सुंदरी’ कलेक्शन डे 2
सॅकनिल्कने दिलेल्या आकडेवारीनुसार, ‘परम सुंदरी’ने दुसऱ्या दिवशी नऊ कोटींची कमाई केली; तर पहिल्या दिवसाचा आकडा ७.२५ कोटी होता. आता त्याने दोन दिवसांत देशभरात १६.२५ कोटी रुपये कमावले आहेत. या चित्रपटाची तुलना शाहरुख खान आणि दीपिका पदुकोण स्टारर ‘चेन्नई एक्स्प्रेस’शी केली जात होती. परंतु तरीही, ‘परम सुंदरी’ त्याच्या दोन दिवसांच्या कलेक्शनच्या जवळपासही पोहोचू शकलेला नाही.
जर ‘परम सुंदरी’ने येत्या काळात हीच गती कायम ठेवली, तर लवकरच हा चित्रपट त्याचे संपूर्ण बजेट वसूल करील आणि या वर्षातील हिट चित्रपटांच्या यादीत समाविष्ट होईल. मॅडॉक प्रॉडक्शनने बनवलेल्या या चित्रपटाचे बजेट सुमारे ४० ते ५० कोटी रुपये असल्याचे सांगितले जाते, जे वसूल करण्यासाठी चित्रपटाला आता फक्त २४ ते ३६ कोटींचा व्यवसाय करावा लागणार आहे.
तुषार जलोटा दिग्दर्शित ‘परम सुंदरी’मध्ये संजय कपूर, मनजोत सिंग, इनायत वर्मा व सिद्धार्थ शंकरसारखे कलाकारदेखील आहेत. ‘परम सुंदरी’ची कमाई आठवड्याच्या शेवटी वाढू शकते, असे मानले जात होते आणि तेच दिसून येत आहे. शनिवारी चांगली कमाई झाली आणि आता रविवारी प्रेक्षकांची गर्दी वाढण्याची अपेक्षा आहे.
