‘तख्त’मध्ये रणवीर, विकी साकारणार या ऐतिहासिक भूमिका ?

या चित्रपटात विकी कौशल मुघल बादशहा औरंगजेबाच्या भूमिकेत आहेत. तर रणवीर सिंग दारा शिकोहची भूमिका साकारणार आहे. राजीव मसंद यांच्या ‘अॅन्यूअल अॅक्टर्स राऊंड टेबल’ या कार्यक्रमात गप्पा मारताना रणवीर आणि विकीनं आपल्या भूमिकेवरून पडदा उचलला. मुघल साम्राज्याचा इतिहासात अत्यंत महत्त्वाच्या ठरलेल्या औरंगजेबाच्या भूमिकेत विकीला पाहायला सगळेच उत्सुक आहे. मात्र अद्यापही करणकडून या संबधीची घोषणा व्हायची आहे.

या चित्रपटात अनिल कपूर शहा जहाँच्या भूमिकेत असल्याचं समजत आहे. ‘तख्त’ मध्ये या अभिनेत्यांसोबतच करिना कपूर, जान्हवी कपूर, आलिया भट्ट, भूमी पेंडणेकर या देखील महत्त्वाच्या भूमिकेत पाहायला मिळणार आहेत.