अभिनेता संजय दत्तची मुलगी त्रिशाला इतर स्टार किड्स प्रमाणे बॉलिवूडमध्ये सक्रिय नाही. मात्र सोशल मीडियावर ती नेहमीच चर्चेत असते. एखाद्या नावाजलेल्या सेलिब्रिटीप्रमाणे तिचे फॉलोअर्स आहेत. अलिकडेच त्रिशालाने इन्स्टाग्रामवर आपल्या आईचा फोटो पोस्ट केला आहे. विशेष म्हणजे या फोटोवर संजय दत्तची बहीण आणि पत्नी मान्यताने देखील प्रतिक्रिया दिली आहे.

त्रिशालाच्या आईचं नाव रिचा शर्मा असं होतं. ती संजय दत्तची पहिली पत्नी होती. त्रिशालाने पोस्ट केलेल्या या फोटोमध्ये रिचाच्या कुशीत तान्हुली त्रिशाला दिसत आहे. हा फोटो १९८८मधला असल्याचे म्हटले जात आहे. त्रिशालाचं इन्स्टाग्राम अकाउंट तिनं प्रायव्हेट ठेवलं आहे. परंतु तरी देखील तिने पोस्ट केलेल्या या फोटोचे स्क्रिन शॉट्स सध्या सोशल मीडियावर जोरदार व्हायरल होत आहेत.

हा फोटो पाहून संजय दत्तची पत्नी मान्यता म्हणाली, “किती सुंदर, त्रिश आता ती स्वर्गातील एक एंजल आहे. जी नेहमी तुला पाहते. ती या जगात तुझ्यावर सर्वात जास्त प्रेम करते. देव तिच्या आत्माला शांती देवो.”