प्राजक्ता माळीने खरेदी केलं नवीन घर, ‘असं’ आहे तिचं ड्रीम होम

प्राजक्ता माळी तिच्या करिअरबरोबरच तिच्या वैयक्तिक आयुष्यामध्ये उंच भरारी घेताना दिसत आहे. काही महिन्यांपूर्वीच तिने ‘प्राजक्तराज’ हा स्वतःचा ज्वेलरी ब्रँड सुरू केला. तर आता नुकतंच तिने तिचं नवीन ड्रीम होम खरेदी केलं आहे. तिचं हे नवीन घर मुंबईत नाही तर एका खास शहरात आहे.

आणखी वाचा : प्रशस्त खोल्या, आकर्षक फर्निचर अन्..; ‘असं’ आहे प्राजक्ता गायकवाडचं नवीन आलिशान घर, पाहा Inside Photos

‘टाइम्स ऑफ इंडिया’च्या वृत्तानुसार, प्राजक्ताने पुण्यात तिचं स्वतःचं घर घेतलं आहे. नुकताच एका यूट्यूब व्हिडीओमध्ये तिने याचा खुलासा केला. पुण्यातील एका छान भागात एका इमारतीमध्ये १७ व्या मजल्यावर प्राजक्ताने हे घर बुक केलं आहे. याचबरोबर तिने रजिस्ट्रेशन आणि इतर कागदपत्रांची पूर्तताही केली आहे. तिने ज्या इमारतीमध्ये घर बुक केलं आहे त्या इमारतीचं बांधकाम अजून सुरू आहे. प्राजक्ताला या इमारतीचा परिसर खूप आवडला आहे.

हेही वाचा : “मला सलमान खानशी लग्न करायचंय…” प्राजक्ता माळीचं वक्तव्य चर्चेत; म्हणाली…

या नवीन घरासाठी तिने खास नेमप्लेटही बनवून घेतली आहे. त्याची झलक तिने काही दिवसांपूर्वी सोशल मीडिया वरून दाखवली होती. त्यामुळे प्राजक्ताच्या या नवीन घराबद्दल चाहत्यांच्या मनात खूप उत्सुकता आहे. या इमारतीचं सगळं बांधकाम झाल्यावर दोन वर्षांनी प्राजक्ताला या घराचा ताबा मिळेल.