अभिनेत्री राखी सावंतच्या संसारात वादळ आलं आहे. आदिलचं अफेअर असल्याचा खुलासा केल्यानंतर राखीने त्याच्याविरोधात तक्रार केली होती. ओशिवरा पोलिसांनी त्याला ७ फेब्रुवारीला अटक केल्यानंतर १४ दिवसांची न्यायालयीन कोठडी सुनावली होती. १६ फेब्रुवारीला आदिलची रवानगी चार दिवसांसाठी पोलीस कोठडीत करण्यात आली होती. आदिलवर म्हैसूरमध्ये इराणी महिलेकडून बलात्काराचा गुन्हा दाखल करण्यात आला होता. याप्रकरणी आता त्याची म्हैसूर पोलिसांकडून चौकशी सुरू आहे.
राखीने तिच्या इन्स्टाग्राम अकाऊंटवरुन नुकतंच लाइव्ह केलं होतं. या लाउव्हमधून तिने आदिलसह मुंबई पोलिसांवरही गंभीर आरोप केले आहेत.”आदिलचे फोन मुंबई पोलिसांनी शोधले नाहीत. त्यांनी त्याची चौकशीही केली नाही. त्याने काय जादू केली मला माहीत नाही. पण ओशिवारा पोलिसांनी काहीच केलं नाही. माझ्यासारख्या सेलिब्रिटीला तुम्ही न्याय मिळवून दिला नाही तर सामान्य माणसांना काय न्याय मिळणार? आदिलच्या फोनमध्ये माझे व इतर अनेक मुलींचे अश्लील व्हिडीओ आहेत. ओशिवारा पोलिसांनी त्याचे फोन शोधले नाहीत. पण मला विश्वास आहे, की आता देवच त्याचे फोन शोधायला मदत करेल. आदिलचे फोन मिळाले नाहीत तर तो आमचे व्हिडीओ व्हायरल करेल. ओशिवारा पोलिसांनी त्याला सोडून दिलं. पण म्हैसूर पोलिसांवर माझा विश्वास आहे”, असं राखी म्हणाली आहे.
पुढे राखी म्हणाली, “आदिलवर इराणी महिलेने बलात्काराचा आरोप केला होता. म्हैसूरमध्ये त्या महिलेला बोलवून आदिलने मी राखीला घटस्फोट देणार आहे असं सांगितलं. तुझ्याशी लग्न करेन, केस मागे घे असंही आदिल तिला म्हणाला. मलाही ओशिवारा पोलीस ठाण्यात बोलवून सगळ्यांना सोडून फक्त तुझ्याशी संसार करणार असल्याचं आदिलने मला सांगितलं. आदिल तू प्रत्येक मुलीला फसवणं बंद कर.मी तुला घटस्फोट देणार नाही. त्यामुळे तू कोणाशीही लग्न करू शकणार नाहीस. तू माझ्याबरोबर फक्त निकाह नाही तर कोर्ट मॅरेजही केलं आहेस. त्यामुळे तू लग्न केलंस…तर मी तुझ्याविरोधात गुन्हा दाखल करेन”.
हेही वाचा>> “आलियाने खूप सहन केलं आहे” नवाजुद्दीन सिद्दीकीच्या भावाचं वक्तव्य, म्हणाला “त्याचा मुलगा अनैतिक…”
“आदिल तू शारीरिक व मानसिक त्रास दिला आहेस. मी रोज सकाळी उठून नमाज पठण करते. कारण तू मला मुस्लीम धर्माचा स्वीकार करायला सांगितला. आदिल तू वाईट आहेस, पण मुस्लीम धर्म चुकीचा नाही. आता मला अल्लाहच ताकद देईल. मी रोज उठून सगळ्या देवांची प्रार्थना करते. त्यातूनच मला हिंमत मिळते”, असंही राखी म्हणाली आहे. राखीने आदिलविरोधात तक्रार केल्यानंतर ओशिवारा पोलिसांनी त्याला ७ फेब्रुवारीला अटक केली होती. त्यानंतर त्याला १४ दिवसांची न्यायालयीन कोठडी सुनावण्यात आली होती. १६ फेब्रुवारीला आदिलची रवानगी चार दिवसांसाठी पोलीस कोठडीत करण्यात आली होती. आदिलवर म्हैसूरमध्ये इराणी महिलेकडून बलात्काराचा गुन्हा दाखल करण्यात आला होता. याप्रकरणी आता त्याची म्हैसूर पोलिसांकडून चौकशी सुरू आहे.
