scorecardresearch

Premium

रंगभूमीवर ओळख ते लग्नाची मागणी! ‘अशी’ जमली ऐश्वर्या आणि अविनाश नारकरांची जोडी! अभिनेत्री म्हणाल्या, “१० हजार २२७…”

ऐश्वर्या आणि अविनाश नारकर यांच्या लग्नाला २८ वर्षे पूर्ण, अभिनेत्रीने शेअर केला खास व्हिडीओ, म्हणाल्या…

aishwarya and avinash narkar 28th marriage anniversary
ऐश्वर्या आणि अविनाश नारकर यांच्या लग्नाचा वाढदिवस

मराठी मालिका, चित्रपट व रंगभूमी गाजवणारी प्रेक्षकांची लाडकी जोडी म्हणून ऐश्वर्या आणि अविनाश नारकर यांना ओळखलं जातं. दोघेही गेली अनेक वर्ष मराठी कलाविश्वात कार्यरत आहेत. दोघांचाही फिटनेश आजच्या तरुणपिढीला लाजवेल असाच आहे. अभिनयाबरोबरच ऐश्वर्या-अविनाश त्यांच्या इन्स्टाग्राम रिल्समुळे चर्चेत असतात. गेली २८ वर्षे दोघांनीही एकमेकांना खंबीरपणे साथ दिली आहे. आज त्यांच्या लग्नाच्या वाढदिवसानिमित्त त्यांची फिल्मी लव्हस्टोरी जाणून घेऊया…

ऐश्वर्या नारकर यांचं माहेरचं नाव पल्लवी आठल्ये असं होतं. रंगभूमीवर काम करताना पल्लवी आणि अविनाश यांची ओळख झाली. नाटकाबरोबरच तेव्हा अविनाश एका प्रसिद्ध मालिकेत काम करत होते. त्यामुळे मोठे अभिनेते असल्याने ऐश्वर्या सुरुवातीला त्यांच्याशी फार बोलत नव्हत्या. नाटकाच्या प्रयोगाला एकत्र बसने प्रवास करताना हळुहळू या दोघांची एकमेकांशी ओळख झाली.

Rajkumar Santoshi sentenced to Two years jail
‘घायल’ चे दिग्दर्शक राजकुमार संतोषींना दोन वर्षांचा तुरुंगवास, जामनगर न्यायालयाने सुनावली शिक्षा
bhumi pednekar
भूमीला आईकडून मिळतं सोन्याचं नाणं…
Ramayan Sunil Lahri regret laxman ramayan tv show sita fal ram fal ram mandir Sunil Lahri news in marathi
“संपूर्ण भारत राममय आहे,” ‘रामायण’ मधील सुनील लहरी यांनी व्यक्त केली खंत; म्हणाले, “लक्ष्मण या नावाचं..”
sadhu meher passes away at mumbai residence
ज्येष्ठ दिग्दर्शक, अभिनेते साधू मेहर यांचे निधन

अखेर दौरा संपल्यावर अविनाश नारकरांनी त्यांच्या मनातील भावना पल्लवी यांना सांगितल्या. त्यानंतर दोघंही एकेदिवशी आठल्येंच्या (ऐश्वर्या नारकरांचं माहेर) घरी गणपती बाप्पाच्या पाया पडण्यासाठी गेले होते. यावेळीच अविनाश नारकरांनी पल्लवीला लग्नासाठी मागणी घातली. नाटक, मालिकांमध्ये काम करण्याबरोबरच अविनाश नारकर केव्हा नोकरीला सुद्धा होते. त्यामुळे आठल्येंच्या घरुन दोघांच्या लग्नाला संमती मिळाली.

हेही वाचा : मृण्मयी देशपांडेच्या संसाराला ७ वर्षे पूर्ण! नवऱ्याबरोबर लिपलॉक करतानाचा फोटो शेअर करत म्हणाली…

दोघांचं लग्न ३ डिसेंबर १९९५ ला पार पडलं आणि पल्लवी आठल्ये पुढे ऐश्वर्या नारकर झाल्या. लग्नानंतर सुद्धा अनेक मालिका, चित्रपट व नाटकांमध्ये या जोडप्याने एकत्र काम केलं. आज त्यांच्या लग्नाच्या २८ व्या वाढदिवसानिमित्त ऐश्वर्या नारकर यांनी खास पोस्ट शेअर केली आहे. या व्हिडीओला त्यांनी “आमच्या सुखी वैवाहिक आयुष्याचे १० हजार २२७ दिवस” असं कॅप्शन दिलं आहे. या व्हिडीओवर त्यांच्या चाहत्यांनी शुभेच्छांचा वर्षाव केला आहे.

हेही वाचा : Video : ‘आई कुठे काय करते’ फेम अभिनेत्रीच्या लेकाचं बारसं थाटामाटात पडलं पार, नाव ठेवलंय खूपच खास…

दरम्यान, दोघांच्या कामाबद्दल बोलायचं झालं, तर सध्या अविनाश नारकर ‘कन्यादान’ या मालिकेत वडिलांची भूमिका साकारत आहेत. तसेच ऐश्वर्या नारकर या ‘झी मराठी’ वाहिनीवरील ‘सातव्या मुलीची सातवी मुलगी’ या मालिकेत झळकत आहेत.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Aishwarya and avinash narkar 28th marriage anniversary know their beautiful love story sva 00

First published on: 03-12-2023 at 12:34 IST

संबंधित बातम्या

तुम्ही या बातम्या वाचल्या आहेत का? ×