‘बिग बॉस’च्या १७व्या पर्वाची दिवसेंदिवस लोकप्रियता अधिकाधिक वाढत चालली आहे. बिग बॉस हे नवं पर्व प्रेक्षकांच्या चांगलंच पसंतीस उतरलं आहे. त्यामुळे टेलीव्हिजनवरील हा वादग्रस्त रिअ‍ॅलिटी शो टीआरपीमध्येही अव्वल स्थानावर आहे. गेल्या आठवड्यात बिग बॉसच्या नियमांचं उल्लंघन केल्यामुळे तेहेलका भाई उर्फ सनी आर्य याला शोमधून काढण्यात आलं. नुकताच बिग बॉसचा नवा प्रोमो समोर आला आहे. ज्यामध्ये नॉमिनेशन प्रक्रिया पाहायला मिळत आहे.
या आठवड्यातील नॉमिनेशन प्रक्रिया थोड्या वेगळ्या अंदाजात आहे. तोंडावर कॉफी फेकून स्पर्धकांना इतर स्पर्धकाला नॉमिनेट करायचं आहे. प्रोमोमध्ये, मुनव्वर फारूकी ऐश्वर्याला नॉमिनेट करताना दिसत आहे. तो म्हणतो, “इतर स्पर्धकांच्या तुलनेत खेळात तुझा (ऐश्वर्या) सहभाग दिसत नाही.” तर नील अनुरागवर कॉफी फेकून त्याला नॉमिनेट करताना दिसत आहे.
हेही वाचा – प्रसिद्ध रॅपर बादशाह पाकिस्तानी अभिनेत्रीला करतोय डेट? फोटो झाले व्हायरल
तसेच अंकिता लोखंडे मन्नारा चोप्रावर कॉफी फेकून नॉमिनेट करते आणि मन्नारा अंकिताच्या तोंडावर कॉफी फेकून तिला नॉमिनेट करताना पाहायला मिळत आहे. अंकिता मन्नारा म्हणते की, “तुला मी आवडत नाही आणि मला तू आवडत नाहीस. तर मी हे शत्रूत्व कायम ठेवू इच्छिते.” तर मन्नारा अंकिताला नॉमिनेट करताना म्हणते की, “ही ज्यांच्याबरोबर आहे, त्यांच्याबरोबरच ती नाहीये. तर आता तुम्ही सगळ्यांनी ठरवा.”
याशिवाय अभिषेक सनाला नॉमिनेट करतो. तर ऐश्वर्या, अरुण अभिषेकला नॉमिनेट करतात. यावेळी अरुण आणि अभिषेकमध्ये वाद होतात. आता अखेर कोण-कोण या आठवड्यात नॉमिनेट होतंय? हे येत्या काळात समजेल.
