When and Where to watch Bigg Boss 18 Grand Finale : १५ आठवड्यांच्या प्रवासानंतर बिग बॉस १८ प्रेक्षकांचा निरोप घेणार आहे. सलमान खान होस्ट करत असलेल्या या शोचा ग्रँड फिनाले या वीकेंडला होणार आहे. ऑक्टोबरमध्ये सुरू झालेल्या या शोमध्ये अनेक स्पर्धक सहभागी झाली आणि अनेक एलिमिनेट झाले. शोला टॉप सहा फायनलिस्ट मिळाले असून त्यापैकी एक जण विजेता होईल. तुम्हीही बिग बॉसचे चाहते असाल, तर या शोचा ग्रँड फिनाले केव्हा, कुठे पाहता येईल, विजेत्याला काय बक्षीस मिळणार आणि यंदाची ट्रॉफी कशी आहे, त्याबद्दल जाणून घ्या.
या आठवड्यात श्रुतिका अर्जुन, चाहत पांडे व शिल्पा शिरोडकर हे तीन सदस्य एलिमिनेट झाले, त्यानंतर आता घरात सहा स्पर्धक आहेत. या सहापैकी एकजण बिग बॉसची ट्रॉफी जिंकेल.
Bigg Boss 18 चा ग्रँड फिनाले कधी, कुठे पाहायचा?
When, where to watch Bigg Boss 18 grand finale: बिग बॉस १८ चा ग्रँड फिनाले १९ जानेवारी २०२५ रोजी प्रसारित होणार आहे. १५ आठवड्यांच्या प्रवासानंतर या शोचा ग्रँड फिनाले रविवारी रात्री ९.३० वाजता कलर्स चॅनलवर पाहता येईल. तसेच बिग बॉसचा ग्रँड फिनाले जिओ सिनेमावर लाइव्ह पाहता येईल.
विजेत्याला किती रक्कम मिळणार?
Bigg Boss 18 Prize Money: या पर्वातील विजेत्याला बक्षीस म्हणून ५० लाख रुपये मिळतील. तसेच स्पॉन्सर्सकडून इतरही काही भेटवस्तू मिळण्याची शक्यता आहे. निर्मात्यांनी ठराविक पैसे घेऊन शो सोडण्याचा पर्याय फिनालेमध्ये ठेवल्यास ती रक्कम विजेत्याच्या रकमेतून वजा होऊ शकते.
हेही वाचा – “ही ती स्त्री आहे जिच्याबरोबर…”, स्मिता पाटील यांच्याबद्दल काय म्हणाली राज बब्बर यांची मुलगी?
बिग बॉस १८ ची ट्रॉफी पाहिलीत का?
Bigg Boss 18 Trophy: बिग बॉस १८ च्या ट्रॉफीचा फोटो समोर आला आहे. यंदाची ट्रॉफी ही १३ व्या पर्वातील ट्रॉफी सारखी आहे, असं चाहत्यांना वाटतंय. बिग बॉसच्या १३ व्या पर्वाचा विजेता दिवंगत सिद्धार्थ शुक्ला होता.
फिनालेमध्ये पोहोचलेले सदस्य
Bigg Boss 18 Finalists: बिग बॉस १८ ला टॉप सहा सदस्य मिळाले आहेत. करणवीर मेहरा, चुम दरांग, रजत दलाल, विवियन डिसेना, अविनाश मिश्रा व इशा सिंह हे बिग बॉस १८ चे फायनलिस्ट आहेत.
हेही वाचा – घुसखोर जेहच्या पलंगाकडे गेला अन्…; सैफ अली खानच्या मदतनीसने सांगितला घटनाक्रम
स्पर्धकांना वोट कसे करायचे?
बिग बॉस १८ चा विजेता ठरवण्यासाठी वोटिंग लाइन्स अजून ओपन आहेत. चाहते त्यांच्या आवडत्या स्पर्धकाला विजेता बनवण्यासाठी मतदान करू शकतात. त्यासाठी त्यांना जिओ सिनेमाच्या अधिकृत वेबसाइटवर जावं लागेल. अॅपवरूनही ते आपल्या आवडत्या स्पर्धकाला मत देऊ शकतात.
