Bigg Boss 18: अविनाश मिश्राला ‘स्त्रीलंपट’ म्हणण्यावरून सलमान खान भडकला, चाहत पांडेचा ‘तो’ फोटो दाखवत केली पोलखोल

चाहत पांडेची आई अविनाश मिश्राला म्हणाली होती की, तू ज्या प्रकारे चाहतबद्दल बोलला आहेस, तशी ती मुलगी नाहीये. आमचं कुटुंब तुला कधीच माफ करणार नाही. त्यानंतर चाहतशी बोलताना तिची आई म्हणाली होती, “जेव्हा आम्ही तुला विचारलं होतं, तुझं आणि अविनाशचं पटतं का नाही? तेव्हा तू आम्हाला सांगितलं होतंस की, मला अविनाश आवडत नाही. कारण तो स्त्रीलंपट माणूस आहे.” एवढं सगळं होऊनही अविनाशने चाहत पांडेच्या आईची माफी मागितली. पण, हा वाद इथेच संपला आहे. याचे पडसाद वीकेंडच्या वारला उमटले आहेत.

हेही वाचा – Video: पूजा सावंतच्या आई-बाबांनी पहिल्यांदाच ऑस्ट्रेलियातील नव्या घराला दिली भेट, लेकीचं प्रशस्त घर पाहून होती ‘ही’ प्रतिक्रिया

‘कलर्स टीव्ही’ने नुकताच वीकेंडच्या वारचा एक प्रोमो शेअर केला आहे. यामध्ये सलमान खान चाहतला म्हणाला की, तुझ्या आईने म्हटलं होतं, चाहतला अशी मुलं आवडत नाहीत, जे मुलींच्या पुढे-मागे करत असतात. तुझ्या आईने तुला तू खूप चांगली असल्याचं प्रमाणपत्र देऊ टाकलं. पण, त्यानंतर काही लोकांनी आमच्या टीमला फोन केला. तुला एक गोष्ट दाखवू इच्छितो.”

त्यानंतर चाहतचा एक फोटो दाखवला. ज्यामध्ये तिच्याबरोबर एक केक होता. ज्यावर लिहिलं होतं, ‘नात्याला ५ वर्ष पूर्ण झाल्यानिमित्ताने शुभेच्छा…माझं प्रेम.’ हे पाहून चाहत हैराण झाली. यावेळी अविनाश म्हणाला, “हे स्वीकार.” तर चाहत म्हणाली, “अविनाश असं करू नकोस.” मग अविनाश म्हणाला की, चाहत सेटवर सगळ्यांना माहीत आहे. तरीही चाहतने नकार दिला. शेवटी सलमान म्हणाला, “असेल तर हो म्हण, नसेल तर नाही म्हण.” वीकेंडच्या वारचा हा प्रोमो सध्या खूप व्हायरल झाला आहे.

हेही वाचा – Video: “माझं नाव घेऊन एका मुलीच्या चारित्र्यावर…”, अखेर शालीन भनोटने ईशा सिंहबरोबरच्या अफेअरच्या चर्चांवर सोडलं मौन, म्हणाला…

दरम्यान, सध्या ‘बिग बॉस’च्या १८व्या पर्वाचा १३वा आठवडा सुरू आहे. या आठवड्यात अविनाश मिश्रा, ईशा सिंह, विवियन डिसेना, चाहत पांडे, कशिश कपूर, रजत दलाल आणि श्रुतिका अर्जुन घराबाहेर जाण्यासाठी नॉमिनेट झाले आहेत. ‘बिग बॉस’च्या १८व्या पर्वाच्या महाअंतिम सोहळ्याला अवघे काही आठवडे बाकी आहेत. त्याआधी या सात सदस्यांमधून कोण घराबाहेर होतंय? हे पाहणं महत्त्वाचं असणार आहे.