Bigg Boss 18: नॉमिनेशन टास्कमध्ये श्रुतिका अर्जुनला दिला ‘हा’ महत्त्वाचा अधिकार; विवियन डिसेना, चाहत पांडेसह सात सदस्य झाले नॉमिनेट

ख्रिसमसचं औचित्य साधून नॉमिनेशन टास्क तशाप्रकारे देण्यात आला होता. प्रत्येक सदस्याला एक घर देण्यात आलं होतं. या घराच्या खिडकीमध्ये श्रुतिका अर्जुनला गिफ्टचे बॉक्स ठेवायचे होते. गिफ्टचे बॉस हे सदस्यांची लाइफ लाइन होती. श्रुतिकाला एक, दोन, तीन, चार, पाच असे गिफ्ट्सचे बॉक्स द्यायचे होते. त्याप्रमाणे श्रुतिकाने सर्वाधिक म्हणजे पाच गिफ्ट्सचे बॉक्स करणवीर मेहरा, चुम दरांगला दिले. तर श्रुतिकाने चार गिफ्ट्सचे बॉक्स शिल्पा शिरोडकर आणि चाहत पांडेला दिले. तसंच तीन गिफ्ट्सचे बॉक्स रजत दलाल, कशिश कपूर आणि दोन गिफ्ट्सचे बॉक्स विवियन डिसेना, सारा अरफीन खान दिले होते. त्यानंतर प्रत्येकी एक-एक गिफ्टचे बॉक्स श्रुतिकाने अविनाश मिश्रा, ईशा सिंह यांना दिले. त्यानंतर सदस्यांना नॉमिनेट करत असलेल्या दोन सदस्यांचे गिफ्टचे बॉक्स तोडायचे होते. ज्याच्या खिडकीमध्ये गिफ्ट्सचे बॉक्स शिल्लक राहणार नाहीत, तो सदस्य नॉमिनेट होणार होता.

हेही वाचा – Video: ‘बिग बॉस मराठी’ विजेता लवकरच चढणार बोहल्यावर, आनंदाची बातमी देत सांगितली लव्हस्टोरी

कोणत्या सदस्याने कोणाला नॉमिनेट केलं?

अविनाशने कशिश-सारा, करणने सारा-ईशा, ईशाने चाहत-कशिश, रजतने चाहत-विवियन, विवियनने चाहत-कशिश, शिल्पाने अविनाश-रजत, चुमने विवियन-रजत, कशिशने चाहत-शिल्पा, चाहतने रजत-चुम, साराने शिल्पा-करणवीर, अशा प्रकारे प्रत्येक सदस्याने दोन इतर सदस्याला नॉमिनेट केलं. यावेळी सारा, ईशा, कशिश, अविनाश, विवियन, रजत आणि चाहत घराबाहेर जाण्यासाठी नॉमिनेट झाले. त्यामुळे आता या सात सदस्यांमधून कोण एविक्ट होतंय? हे पाहणं महत्त्वाचं असणार आहे.

हेही वाचा – शुभमंगल सावधान! ‘प्रेमाची गोष्ट’ फेम अभिनेत्याचा मोठ्या थाटामाटात पार पडला लग्नसोहळा, गेल्या नऊ वर्षांपासून होता रिलेशनशिपमध्ये

हेही वाचा – Video: ‘सुख म्हणजे नक्की काय असतं’च्या सक्सेस पार्टीत महेश कोठारेंचा ‘झपाटलेला’ चित्रपटातील गाण्यावर भन्नाट डान्स, पाहा व्हिडीओ

दरम्यान, गेल्या आठवड्यात मिड वीक एविक्शन आणि डबल एविक्शन पाहायला मिळालं. मिड वीक एविक्शनमध्ये दिग्विजय सिंह राठी घराबाहेर झाला. त्यानंतर डबल एविक्शनमध्ये एडिन रोज, यामिनी मल्होत्रा बेघर झाल्या.