Video: ‘अबीर गुलाल’ नव्या मालिकेत झळकणार ‘बिग बॉस मराठी’चा विजेता! जबरदस्त प्रोमोसह जाहीर केली मालिकेची तारीख अन् वेळ

अभिनेत्री रश्मी अनपट, अभिनेता अशोक ढगे यांची प्रमुख भूमिका असलेली ‘अंतरपाट’ आणि अभिनेत्री गायत्री दातार व पायल जाधव यांची मुख्य भूमिका असलेल्या ‘अबीर गुलाल’ या नव्या दोन मालिकांची घोषणा करण्यात आली. अशातच आता ‘अबीर गुलाल’ या नव्या मालिकेचा नवा जबरदस्त प्रोमो शेअर करत तारीख आणि वेळ जाहीर करण्यात आली आहे. विशेष म्हणजे मालिकेतील प्रमुख भूमिका साकारणाऱ्या अभिनेत्याचा खुलासा नव्या प्रोमोमधून झाला आहे.

आणखी वाचा

IND vs BAN कसोटी मालिकेत २ बेस्ट फिल्डर, रोहित-सिराज-यशस्वी-राहुल; कोणाला मिळालं मेडल? पाहा VIDEO

Bigg Boss Marathi 5: सर्व एलिमिनेटेड सदस्यांची घरात…

Video: महाराष्ट्राच्या मातीतील अस्सल झन्नाट प्रेमकथा ‘या’ तारखेपासून येणार प्रेक्षकांच्या भेटीस, ‘लय आवडतेस तू मला’ नव्या मालिकेची वेळ जाणून घ्या…

देशाला हादरवून सोडणाऱ्या हत्यासत्राचा थरार; ‘मानवत मर्डर्स’ वेबमालिकेचा चमू ‘लोकसत्ता’ कार्यालयात

ऑस्ट्रेलियाविरुद्धच्या मालिकेसाठी मोहम्मद शमी फिट नसेल तर ‘हा’ गोलंदाज उत्तम पर्याय; संजय मांजरेकरांचं वक्तव्य

‘…षटकारांची भीती वाटत नाही’, ऋषभ पंतबद्दल बोलताना नॅथन लॉयन काय म्हणाला?

बुमरा, पंतची लय महत्त्वाची; बॉर्डरगावस्कर मालिकेबाबत चॅपल यांचे विधान

Video: महाराष्ट्राच्या मातीतील अस्सल झन्नाट, रांगडी प्रेमकथा लवकरच येणार प्रेक्षकांच्या भेटीस, ‘कलर्स मराठी’च्या नव्या मालिकेची घोषणा

हेही वाचा – ‘कान फिल्म फेस्टिव्हल २०२४’साठी निघाल्या प्रसिद्ध मराठी अभिनेत्री, फोटो पाहून किरण राव म्हणाली…

प्रोमोमध्ये सुरुवातीला श्री छत्रपती शाहू महाराज टर्मिनस कोल्हापूर पाहायला मिळत आहे. शिवाय रंकाळा चौपाटी उद्यानाची झलक दिसत आहे. तितक्यात नमस्कार मंडळी म्हणत शुभ्रा म्हणजेच अभिनेत्री पायल जाधव रेडिओ जॉकीच्या भूमिकेत पाहायला मिळत आहे. त्यानंतर मालिकेतल्या अभिनेत्याची दमदार एन्ट्री होत आहे. हातात गुलाबाचा गुच्छ घेऊन शुभ्रा भेटायला आलेला हा अभिनेता दुसरा तिसरा कोणी नसून ‘बिग बॉस मराठी’ विजेता अक्षय केळकर आहे. अक्षय हा शुभ्राच्या आवाजाचा मोठा चाहता असतो त्यामुळे तो तिला गुलाबाचा गुच्छ घेऊन भेटायला आला असतो. पण त्याची भेट शुभ्रा ऐवजी श्रीशी होते. त्यामुळे श्री आणि शुभ्राच्या आयुष्यातील गुंतलेल्या नशिबांचा गुंफलेला खेळ ‘अबीर गुलाल’ नव्या मालिकेत पाहायला मिळणार आहे.

‘अबीर गुलाल’ मालिकेचा जबरदस्त प्रोमोमध्ये अक्षयला पाहून चाहत्यांना सुखद धक्का बसला आहे. इतर कलाकार मंडळींसह चाहते त्याच्यावर शुभेच्छांचा वर्षाव करत आहेत. अक्षय, गायत्री आणि पायलची ‘अबीर गुलाल’ नवी मालिका २७ मेपासून प्रेक्षकांच्या भेटीस येत आहे. दररोज रात्री ८.३० वाजता ‘अबीर गुलाला’ मालिका प्रसारित होणार आहे.

हेही वाचा – आईच्या निधनाच्या ६ महिन्यांनंतर तेजश्री प्रधानने शेअर केली भावुक पोस्ट, म्हणाली, ‘पाठिशी आहेस ना…”

दरम्यान, ‘कलर्स मराठी’ वाहिनीवर सध्या ८.३० वाजता ‘काव्यांजली’ मालिका सुरू आहे. पण आता ‘काव्यांजली’ मालिका प्रेक्षकांचा निरोप घेणार आहे आणि त्या जागी ‘अबीर गुलाल’ मालिका पाहायला मिळणार आहे.