Video: अभिजीत सावंतने निक्की तांबोळीची केली जबरदस्त नक्कल, व्हिडीओ पाहून तुम्हाला होईल हसू अनावर

‘बिग बॉस’च्या घरात सध्या लगोरीचा टास्क सुरू आहे. या टास्कमध्ये निक्कीची टीम जिंकल्याचं समोर आलं आहे. कारण नुकत्याच आलेल्या प्रोमोमध्ये निक्की, धनंजय, वर्षा आणि सूरज हे मालक झाल्याचं दिसत असून ते अभिजीत, अंकिता, जान्हवी आणि पंढरीनाथ यांच्याकडून त्यांची वैयक्तिक काम करून घेताना दिसत आहेत. अशातच अभिजीत सावंतच्या एका व्हिडीओने सगळ्यांचं लक्ष वेधून घेतलं आहे.

हेही वाचा – Bigg Boss 18 : सलमान खानच्या बहुचर्चित ‘बिग बॉस’साठी सहा स्पर्धकांवर शिक्कामोर्तब, ‘हा’ मराठी चेहरा झळकणार

‘सिने मराठी’ या इन्स्टाग्राम पेजवर नुकताच अभिजीत सावंतचा व्हिडीओ शेअर करण्यात आला आहे. ज्यामध्ये धनंजय अरबाज, अंकिता जान्हवी आणि अभिजीत निक्कीची नक्कल करत आहे. यावेळी अभिजीत निक्कीची जबरदस्त नक्कल करताना दिसत आहे; जे पाहून अनेकांना हसू अनावर झालं आहे. एका लग्नात अरबाज, जान्हवी आणि निक्की भेटले आहेत. यावेळी जान्हवी अरबाजला निक्की विरोधात भडकवतं असते. त्याचवेळी निक्कीची जान्हवी आणि अरबाजवर रिअ‍ॅक्शन काय असणार आहे, हे अभिजीत करताना दिसत आहे. धनंजय मालक झाल्यामुळे त्याने अभिजीतला व अंकिता हा ड्रामा करायला सांगितला आहे, असं अभिजीत निक्कीला शेवटी सांगताना पाहायला मिळत आहे.

View this post on Instagram

A post shared by Cine Marathi (@cinemarathiofficial)

हेही वाचा – “माझ्या वाट्याला ‘लापता लेडीज’च्या…”, चित्रपट ‘ऑस्कर’ला गेल्यावर छाया कदम यांची पोस्ट

नेटकरी काय म्हणाले?

दरम्यान, अभिजीत सावंतचा हा व्हिडीओ पाहून अनेकांना हसू येत असलं तरी काही जणांनी यांना निक्की शिवाय काही दिसत नाही असं म्हटलं आहे. एका नेटकऱ्याने लिहिलं आहे, “अरे बाबांनो अरबाज गेला. किती दिवस निक्की-अरबाज विषयावर बोलणार. हेच तुमचं चुकतं.” तर दुसऱ्या नेटकऱ्याने लिहिलं आहे की, निक्की पुराण हेच तर वाचत असतात.