अभिनेत्री पूर्वा शिंदे छोट्या पडद्यावरील लोकप्रिय अभिनेत्रींपैकी एक आहे. पूर्वा सोशल मीडियावर प्रचंड सक्रिय असल्याचं पाहायला मिळतं. नुकतंच तिने नवी कोरी कार खरेदी केली आहे. याबाबत तिने पोस्ट शेअर करत चाहत्यांन माहिती दिली आहे.
पूर्वाने तिच्या इन्स्टाग्राम अकाऊंटवरुन नव्या गाडीचा व्हिडीओ शेअर केला आहे. Kia कंपनीची कार पूर्वाने खरेदी केली आहे. गाडी खरेदी करतानाचा कुटुंबियांसोबतचा व्हिडीओ तिने शेअर केला आहे. “ही भावना मी शब्दांत व्यक्त करू शकत नाही. माझी कार माझा अभिमान आहे. हे स्वप्न मी नेहमी बघत आले आहे. माझं स्वप्न आज खऱ्या अर्थाने सत्यात उतरलं आहे. माझ्या कुटुंबियांसाठी मी गाडी खरेदी केली आहे”, असं म्हणत तिने पोस्ट शेअर केली आहे.
हेही वाचा>> “हिंदीत कितीही मोठं काम केलं तरी…” स्वप्निल जोशीचा ‘तो’ व्हिडीओ चर्चेत
पूर्वाच्या या व्हिडीओवर चाहत्यांनी कमेंट करत शुभेच्छा दिल्या आहेत. पूर्वाचा चाहता वर्ग प्रचंड मोठा आहे. ती सोशल मीडियावर अनेकदा तिचे फोटो शेअर करत असते. तसेच तिच्या कामाबद्दलची माहितीही ती पोस्टद्वारे चाहत्यांना देत असते.
हेही वाचा>> हार्दिकशी लग्नगाठ बांधल्यानंतर अक्षया भावूक; लग्नाची तारीख कोरलेल्या नखांचा फोटो शेअर करत म्हणली…
‘लागिर झालं जी’ या मालिकेतून पूर्वा घराघरात पोहोचली. या मालिकेत तिने जयडी हे पात्र साकारलं होतं. सध्या पूर्वा कलर्स वाहिनीवरील ‘जीव माझा गुंतला’ मालिकेत खलनायिकेच्या भूमिकेत आहे.
