‘या’ गोंडस चिमुकलीला ओळखा पाहू! मराठी सिनेसृष्टीतली ही लोकप्रिय अभिनेत्री नुकतीच अडकली लग्नबंधनात

या अभिनेत्रीची बहीण देखील मराठी सिनेसृष्टीतील आघाडीच्या अभिनेत्रींपैकी एक आहे. फोटोत दिसणाऱ्या या अभिनेत्रीने अभिनय क्षेत्रातली सुरुवात एका मालिकेने केली होती. त्यानंतर तिची दुसरी मालिका सुपरहिट झाली. त्यामधील तिच्या पात्राने अक्षरशः प्रेक्षकांना वेड लावलं. अजूनही या अभिनेत्रीने साकारलेलं हे पात्र प्रेक्षकांच्या मनात कायम आहे.

हेही वाचा – “तुम्ही अजूनही आहात..”, शाहीर साबळेंच्या स्मृतिदिनानिमित्ताने नातू केदार शिंदेंची भावुक पोस्ट, म्हणाले…

ही अभिनेत्री फक्त मालिकाच नाही तर नाटकात देखील काम करते. तिचं रंगभूमीवर सध्या ‘गालिब’ नावाचं नाटक सुरू आहे. आता तुम्ही ओळखचं असेल या फोटोमधील चिमुकली कोण आहे ते? ही गोड चिमुकली आहे गौतमी देशपांडे.

अभिनेत्री गौतमी देशपांडेने तिच्या इन्स्टाग्राम स्टोरीवर हा सुंदर फोटो शेअर करून तिने बालपणीच्या आठवणींना उजाळा दिला आहे. एवढंच नाहीतर तिने फॅन्सी ड्रेस स्पर्धेतील बालपणीचा फोटो देखील शेअर केला आहे. ज्यामध्ये छोटी गौतमी नर्सच्या वेशात पाहायला मिळत आहे. सध्या गौतमीचे हे बालपणीचे फोटो चांगलेच व्हायरल झाले आहेत.

हेही वाचा – ओळख न देणं, अ‍ॅटिट्यूड अन्…, प्रिया बेर्डेंनी सध्याच्या कलाकारांच्या वागणुकीबाबत व्यक्त केली खंत, म्हणाल्या….

दरम्यान, गौतमी गेल्या वर्षी २५ डिसेंबरला स्वानंद तेंडुलकरबरोबर लग्नबंधनात अडकली. मेहंदी, हळद, संगीत, सप्तपदी, रिसेप्शन असा समारंभपूर्वक लग्नसोहळा गौतमी-स्वानंदचा झाला. गौतमीचा नवरा लोकप्रिय कंटेंट क्रिएटर असून ‘भाडिपा’ या मराठी सीरिज व कंटेट बनवणाऱ्या लोकप्रिय युट्यूब चॅनेलचा तो व्हाईस प्रेसिडंट म्हणून काम पाहतो. याशिवाय त्याचा भाडिपाच्या वेब सीरिज आणि स्टँडअप कॉमेडी कार्यक्रमात सहभाग असतो. गौतमीप्रमाणे स्वानंद तेंडुलकरचा चाहता वर्ग देखील मोठ्या प्रमाणात आहे.