प्रसिद्ध गायक, लेखक व संगीतकार डॉ. सलील कुलकर्णी हे कायमच विविध गोष्टींवर भाष्य करत असतात. ते सोशल मीडियावर नेहमी सक्रीय असतात. अनेकदा ते विविध फोटो आणि व्हिडीओ शेअर करत चाहत्यांच्या संपर्कात राहण्याचा प्रयत्न करत असतात. नुकतीच त्यांनी एक पोस्ट शेअर केली आहे. ज्यामुळे त्यांनी नेटकऱ्यांचे लक्ष वेधले आहे.
सलील कुलकर्णी यांनी आपल्या फेसबुक अकाउंटवर तारक मेहता मालिकेतील कलाकारांचे सेटवरचे फोटो शेअर केले आहेत. ज्यात त्यांनी असं लिहलं आहे “मुलांच्या लहानपणीचे आणि माझ्या बाबापणाचे अनेक क्षण सुंदर करणारी मालिका म्हणजे तारक मेहता का उल्टा चष्मा. परवा एका शूटिंगसाठी मी आणि शुभंकर गेलो आणि अचानक समोर गोकुळधाम दिसलं, मग मंदार चांदवडकर ने अतिशय प्रेमाने आमची सेटवर जायची सोय केली आणि आपल्या लाडक्या जेठालालची भेट झाली. पुन्हा एकदा मुलं लहान झाली आणि त्या मालिकेने दिलेल्या सुंदर क्षणांचे मी मनापासून आभार मानले.”
‘मिर्झापूर’ फेम अभिनेत्याने सुनील शेंडे यांना वाहिली श्रद्धांजली; पोस्ट शेअर करत म्हणाले…
सलील कुलकर्णी अनेकवर्ष संगीत क्षेत्रात कार्यरत आहेत. आयुष्यावर बोलू काही हा संगीताचा कार्यक्रम ते करत असतात. संगीतकाराच्या बरोबरीने ते दिग्दर्शनात उतरले आहे. नुकताच त्यांचा एकदा काय झालं हा चित्रपट प्रदर्शित झाला होता. रिऍलिटी शोमध्ये परीक्षकाच्या ते भूमिकेत दिसले होते.
-
lilsa
टीव्ही जगतातील लोकप्रिय मालिका म्हणजे ‘तारक मेहता का उल्टा चष्मा’ या मालिकेने प्रेक्षकांच्या मनात घर केलं आहे. गेली अनेक वर्ष ही मालिका प्रेक्षकांचे मनोरंजन करत आहे.
