Premachi Goshta Fame Actress : गेल्या काही महिन्यांमध्ये सिनेविश्वातील अनेक सेलिब्रिटींनी नवीन घरांमध्ये गृहप्रवेश केल्याचं पाहायला मिळालं. शिवाली परब, भूषण प्रधान, रुचिरा जाधव, चेतन वडनेरे, रोहित माने, धनश्री काडगांवकर, मंगेश देसाई अशा बऱ्याच कलाकारांचा यात समावेश आहे. या यादीत आता आणखी एका अभिनेत्रीचं नाव जोडलं गेलं आहे. मालिकाविश्वातील या लोकप्रिय अभिनेत्रीने नुकताच नव्या घरात गृहप्रवेश केला. याचे फोटो तिने सोशल मीडियावर शेअर केले आहेत.
‘प्रेमाची गोष्ट’ या ‘स्टार प्रवाह’वरील मालिकेला प्रेक्षकांचा चांगला प्रतिसाद मिळत आहे. अल्पावधीत या मालिकेने प्रेक्षकांच्या मनात एक वेगळं स्थान निर्माण केलं आहे. या मालिकेतील प्रत्येक पात्र घराघरांत लोकप्रिय आहे. याशिवाय ही मालिका टीआरपीच्या शर्यतीत सुद्धा टॉप-५ मध्ये असते. याच मालिकेतील एका अभिनेत्रीने सर्वांना आनंदाची बातमी दिली आहे.
हेही वाचा : “बाबा पहिल्यांदा मुंबईत आले तो क्षण…”, अंकिताची वडिलांसाठी भावुक पोस्ट; म्हणाली, “Bigg Boss मध्ये मला…”
लोकप्रिय अभिनेत्रीचा नव्या घरात गृहप्रवेश
‘प्रेमाची गोष्ट’ ( Premachi Goshta ) या मालिकेत अभिनेत्री कोमल सोमारे गजमल ही ‘स्वाती’ची भूमिका साकारते. नुकतंच कोमलने नवीन घर खरेदी केलं. याचे फोटो तिने इन्स्टाग्रामवर शेअर केले आहेत. दसऱ्याच्या शुभमुहूर्तावर अभिनेत्रीने नव्या घरात गृहप्रवेश केला. “जेव्हा स्वप्नपूर्ती होते, शुभ दसरा” असं कॅप्शन अभिनेत्रीने या फोटोंना दिलं आहे.
कोमलने शेअर केलेल्या फोटोंवर नेटकऱ्यांनी कौतुकाचा वर्षाव केला आहे. ‘प्रेमाची गोष्ट’ ( Premachi Goshta ) मालिकेतील तिचे सहकलाकार तेजश्री प्रधान, अपूर्वा नेमळेकर, राज हंचनाळे यांनी देखील अभिनेत्रीच्या नव्या घराच्या फोटोंवर कमेंट करत तिला पुढील वाटचालीसाठी शुभेच्छा दिल्या आहेत.
दरम्यान, ‘प्रेमाची गोष्ट’ ( Premachi Goshta ) ही मालिका ‘स्टार प्रवाह’ वाहिनीवर दररोज रात्री ८ वाजता प्रसारित केली जाते. यामध्ये तेजश्री प्रधान, राज हंसनाळे आणि अपूर्वा नेमळेकर यांच्या व्यतिरिक्त शुभांगी गोखले, संजीवनी जाधव या कलाकारांनी मुख्य भूमिका साकारल्या आहेत.
