‘रोडीज डबल क्रॉस’ने हाय-एंड ड्रामा, ट्विस्ट, डबल-क्रॉसिंग आणि इतर अनेक गोष्टींनी सर्वांचे लक्ष वेधून घेतले. कुशल गुल्लू तंवरने हा शो जिंकला. शोदरम्यान गँगच्या लीडर्समध्ये अनेक भांडण झाले आणि एल्विश आणि प्रिन्सच्या भांडणाने सर्व मर्यादा ओलांडल्या, ज्यामुळे सर्वाधिक बातम्या आल्या.
बरं, शो संपल्यानंतरही ते त्यांच्या भांडणाने थकलेले नाहीत. अलीकडेच प्रिन्सने खुलासा केला की, एल्विशने शोमध्ये त्यांच्यातील भांडणामुळे नाराजी कशी कायम ठेवली आहे आणि त्याच्या चाहत्यांना प्रिन्सच्या कुटुंबाला, ज्यामध्ये त्याची नवजात मुलगीदेखील आहे, ट्रोल करण्यास प्रवृत्त केले आहे.
अलीकडेच प्रिन्स नरुलाने पारस छाब्रा यांच्याशी झालेल्या मुलाखतीत एल्विश यादवशी झालेल्या भांडणाबद्दल आणि शो संपल्यानंतरही तो वाद वाढवत आहे याबद्दल सांगितले. प्रिन्सने पारसला सांगितले की, शोमध्ये काहीही झाले तरी इतर गँगचे लीडर्स शो संपल्यानंतर ते पुढे नेणार नाहीत. प्रिन्स म्हणाला की, कोणीही शोच्या नकारात्मकतेला बाहेर नेले नाही. त्याने सांगितले की, जेव्हा कोणी कॅमेऱ्यासमोर सर्व काही ठीक असल्याचे भासवतो, परंतु त्याच्या चाहत्यांना एखाद्याला ट्रोल करण्यास प्रवृत्त करतो, तेव्हा ते चुकीचे आहे. तो म्हणाला की, तो एल्विशबद्दल बोलत होता, ज्याने ‘रोडीज एपिसोडची वाट पाहा’ असे म्हणत शोमध्ये आपली ताकद दाखवण्याचा प्रयत्न केला.
प्रिन्स नरुला म्हणाला, “पण जेव्हा कोणी कॅमेऱ्यासमोर असे वागतो की जणू काही सर्व काही ठीक आहे आणि नंतर त्याच्या चाहत्यांना इतरांना धमकावण्यास शांतपणे प्रोत्साहित करतो, तेव्हा ते पूर्णपणे चुकीचे आहे. मी येथे एल्विशबद्दल बोलत आहे. त्याचे प्रेक्षक कसे प्रतिक्रिया देतील हे त्याला चांगलेच माहिती आहे आणि तो ‘रोडीज एपिसोडची वाट पाहा’ अशा गोष्टी बोलून आपली ताकद दाखवत आहे.”
प्रिन्स म्हणाला, “आमचे चाहते आमच्याबरोबर वाढले आहेत, ते सुशिक्षित आहेत, प्रौढ आहेत आणि कधीही कोणाशी गैरवर्तन करत नाहीत. पण, एल्विशच्या चाहत्यांनी माझ्या पालकांना शिवीगाळ करून आणि माझ्या लहान मुलीलाही त्यात ओढून सर्व मर्यादा ओलांडल्या. आता मी वडील झालो आहे, मी असे वर्तन सहन करणार नाही. माझ्या पालकांचा आणि मुलीचा याच्याशी काहीही संबंध नाही.”
त्याच मुलाखतीत प्रिन्स नरुलाने एल्विश यादवला ‘छपरी’ असेही म्हटले, कारण त्याने शोमध्ये त्याच्या कुटुंबाला भांडणात ओढले होते. त्याने असेही म्हटले की, एल्विश बिग बॉसमध्ये येईपर्यंत तो एल्विशला ओळखतही नव्हता. प्रिन्सने पुढे खुलासा केला की, जर तो कधीही एल्विशच्या पालकांना भेटला तर तो कधीही त्यांच्याकडे जाऊन त्यांचा अपमान करणार नाही किंवा त्यांना ट्रोल करणार नाही. एल्विशला मीडियाची गरज नाही, पण तरीही तो त्याची प्रतिमा सुधारण्यासाठी मुलाखती देत राहतो, असंदेखील प्रिन्स म्हणाला.
