Kinshuk Vaidya Engagement : नॅशनल चॅनलनंतर ‘स्टार प्लस’वर प्रसारित होणारी ‘शाका लाका बूम बूम’ मालिका ही लोकप्रिय मालिकांपैकी एक ठरली. लहान मुलांना या मालिकेचं अक्षरशः वेड लागलं होतं. या मालिकेतील संजू आणि त्याच्या जादूई पेन्सिलने लहान मुलांना अधिक आकर्षित केलं होतं. त्यामुळे या मालिकेला लहान मुलांचा अधिक चांगला प्रतिसाद मिळाला. आता ‘शाका लाका बूम बूम’ मधील संजू मोठा झाला आहे. ३३ वर्षांच्या संजूला पाहून तुम्ही ओळखू देखील शकणार नाही. नुकताच संजू म्हणजे अभिनेता किंशुक वैद्यचा साखरपुडा पार पडला; ज्याचे फोटो, व्हिडीओ सोशल मीडियावर तुफान व्हायरल झाले आहेत.
अभिनेता किंशुक वैद्यने ( Kinshuk Vaidya ) साखपुड्याचा फोटो इन्स्टाग्रामवर शेअर करत चाहत्यांना आनंदाची बातमी दिली आहे. या फोटोमध्ये किंशुक आपल्या होणाऱ्या बायकोबरोबर अंगठी दाखवताना दिसत आहेत. साखपुड्यासाठी किंशुक आणि त्यांच्या होणाऱ्या बायकोने खास लूक केला होता. किंशुकने निळ्या रंगाचा कुर्ता-पायजमा परिधान केला होता. तर किंशुकला मॅच करत त्याच्या होणाऱ्या बायकोने निळ्या रंगाची साडी नेसली होती.
किंशुकच्या ( Kinshuk Vaidya ) साखरपुड्याचा फोटो पाहून इतर कलाकार मंडळींसह त्याचे चाहते शुभेच्छा देत आहेत. अभिनेत्री दिशा परमार, शहीर शेख, हीबा नवाब, प्रियंवदा कांत अशा अनेक कलाकारांनी किंशुकला शुभेच्छा दिल्या आहेत.
किंशुक वैद्य होणारी बायको कोण आहे?
किंशुकच्या ( Kinshuk Vaidya ) होणाऱ्या बायकोचं नाव दिक्षा नागपाल असं आहे. दिक्षा ही लोकप्रिय नृत्यदिग्दर्शिका आहे. ‘पंचायत २’ वेब सीरिजमधील एका आयटम साँगचं नृत्यदिग्दर्शन दिक्षाने केलं होतं. काही महिन्यांपूर्वी किंशुकचं ‘चन्ना वे’ नावाचं गाणं प्रदर्शित झालं होतं. या गाण्याचं दिग्दर्शन दिक्षाने केलं होतं. तसंच गाण्याची निर्मिती देखील तिच्याच कंपनीची होती.
हेही वाचा – लग्नाच्या तीन वर्षांनंतर अंकिता लोखंडे होणार आई? मित्र अली गोनीने केला खुलासा!
दरम्यान, दिक्षा नागपालच्या आधी किंशुक वैद्य हिंदी टेलिव्हिजनवरील लोकप्रिय अभिनेत्रीला डेट करत होता. शिव्या पठानिया, असं तिच नाव आहे. पण २०२१मध्ये किंशुक आणि शिव्याचा ब्रेकअप झाला.
किंशुक वैद्यच्या ( Kinshuk Vaidya ) कामाबद्दल बोलायचं झालं तर, ‘शाका लाका बूम बूम’ व्यतिरिक्त त्याने बऱ्याच हिंदी मालिकांमध्ये काम केलं आहे. त्याने ‘वो तो है अल्बेला’मध्ये उत्कृष्ट काम केलं होतं. त्यामुळे प्रेक्षकांना देखील त्याची भूमिका चांगलीच पसंतीस पडली होती. तसंच ‘वो अपना सा’, ‘एक रिश्ता साझेदारी का’, ‘जात ना पूछो प्रेम की’ आणि ‘कर्ण संगिनी’ या मालिकांमध्ये किंशुक विविध भूमिकेत पाहायला मिळाला.
