प्रथमेश लघाटेने कमी केलं १४ किलो वजन, सिक्रेट शेअर करत म्हणाला, “मी रोज…”

काही दिवसांपूर्वी मुग्धा वैशंपायन आणि प्रथमेश लघाटे यांनी त्यांचा एक फोटो शेअर करत ते दोघे एकमेकांना डेट करत असल्याचं जाहीर केलं. त्यानंतर सर्वत्र त्यांच्यावर अभिनंदनचा वर्षाव होत आहे. त्यामुळे सध्या ते अनेक मुलाखती एकत्र देत त्यांच्या आयुष्याबद्दल भरभरून बोलत आहेत. आता ‘राजश्री मराठी’ला दिलेल्या मुलाखतीमध्ये त्याने वजन कमी करण्यासाठी काय काय केलं हे सांगितलं.

हेही वाचा : ‘अशी’ सुरु झाली मुग्धा वैशंपायन-प्रथमेश लघाटेची लव्हस्टोरी, म्हणाले, “घरी सांगितलं तेव्हा…”

तो म्हणाला, “मी डाएट १००% पाळतो आणि माझं डाएट आयुर्वेदिक पद्धतीचं आहे. आयुर्वेदामध्ये दिनचर्या आणि ऋतुचर्या अशा दोन व्याख्या आहेत. त्यानुसार मी माझ्या आहारात बदल करतो. मी मैदा खाणं बंद केलं आहे आणि रात्री उशिरा जेवणंही मी बंद केलं आहे. कधी कधी आमच्या गाण्याच्या कार्यक्रमांमुळे आम्हाला रात्री उशीर होतो आणि गायल्यामुळे चांगलीच भूक लागते. अशावेळी मी उपमा किंवा खिचडी असं हलकं काहीतरी खातो.”

आणखी वाचा : मुग्धा वैशंपायन व प्रथमेश लघाटेचं शिक्षण किती? दोघांची शैक्षणिक पार्श्वभूमी वाचून व्हाल थक्क

पुढे व्यायामाबद्दल बोलताना तो म्हणाला, “मी कधीच कुठेही जिम वगैरे लावलेली नाही. मी पारंपारिक पद्धतीने व्यायाम करतो आणि तो मी रोज करतो. सूर्यनमस्कार, दोरी उड्या, चालणं आणि प्राणायाम हा व्यायाम मी करतो. माझा एक भाऊ एमडी आयुर्वेद आहे त्याने मला हे सगळं प्लॅन करून दिलं आहे. तर माझ्यासारखंच डाएट मुग्धाही फॉलो करते.” डाएट आणि व्यायामाच्या बाबतीत प्रथमेशने मुग्धाला बरीच प्रेरणा दिली आहे असा खुलासा मुग्धाने केला. त्यामुळे प्रथमेशची ही फिटनेस जर्नी अनेकांसाठी नक्कीच प्रेरणादायी आहे.